Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
47 lanpostu dituen taldeak, sortu zenetik Nafarroako Gobernuaren aldetik milioi erdi euro jaso du I+G+Bn inbertitzeko
Barcina Lehendakaria Rafal Taldeko zuzendari tekniko Félix Leraren azalpenak jasotzen.
(
irudia handitu
)
Nafarroako Lehendakari Yolanda Barcinak I+G+B proiektuen garapenean aritzen den Rafal Taldearen instalazioak bisitatu ditu gaur goizean, Tuteran. Hainbat jarduera-sektoreri begira egiten dute lan, esaterako: automobilgintza, linea zuria eta marroia, elektronika eta elektromekanika edo abeltzaintza-sektorea, abeltzaintza-aziendako identifikazio nahiz kontroleko baliabideen garapenarekin.
Lehendakariarekin batera, enpresa-taldeko jabe eta zuzendari nagusi Félix Lera izan da; lehen lehendakariorde eta Ekonomia, Ogasuna, Industria eta Enplegu kontseilari Lourdes Goicoechea; Ekonomia eta Nazioarteko Politikako zuzendari nagusi Maria Jesús Valdemoros eta hiriko alkate Luis Casado.
Enpresako sailak, administrazio-bulegoak eta bulego teknikoak, laborategia eta ekoizpen-fabrika bisitatu dituzte, eta bisitaldian zuzendari nagusi Félix Lerak Barcina Lehendakariari nahiz gainerako agintariei Rafal Taldearen sorrera, garapen eta hazkundeari buruzko xehetasunak eman dizkie, 1979an sortu zenetik; horrekin batera, hainbat produkturen sorreraren prozesuen eta garatzen dituen ikerketa-proiektuen xehetasunak.
Rafal Taldea
Rafal Taldea osatzen dute: 1979an sortutako Construcciones Mecánicas Rafalek; Mapimet-ek (1995), pieza metalikoen estanpazioaz aritzen dena; eta Tudefalek (1997), hortz-biomedikuntzan diharduena. Gaur egun, 47 lanpostu ditu, guztiek mekanika-arloko bigarren graduko lanbide heziketa dute eta gehienak Tuterako LHI ETIko ikasketa-espediente onenen artean hautatutakoak dira. Sortu zenetik, taldeak Nafarroako Gobernuaren aldetik 507.336 euroko laguntza jaso du I+G+Bn dauden proiektuetarako; urtero, batez beste 600.000 euro erabiltzen du teknologia berrietan inbertitzeko.
Tuterako "Las Labradas" industrialdean dauden instalazioek 3.200 metro koadroko lursaila hartzen dute; haietatik, 310 bulegoetarako dira altxatuta dagoen solairu batean; 900 Mapimet-en ekoizpenerako; eta 2.300 metro koadro Rafalen ekoizpenerako.
Albiste hau osorik izan nahi baduzu PDF artxibo batean sakatu hemen