Guztira 3.464 gaztek kanpaldiak egingo dituzte uda honetan Nafarroako hainbat toki eta parajetan, gehienak Erronkari ibar aldean; bertan, guztira 35 taldek kanpaldia egitea aurreikusten da 2,311 txangozaleren parte-hartzearekin. Hainbat autonomia erkidegoetakoak dira: EAE, Katalunia, Madril, Valentzia edo Errioxa. Gainerako taldeek (52 arte) hautatutako beste gune batzuk honako hauek dira: Ultzama, Ollo, Arakil, Baztango ibarrak, eta Zangoza nahiz Lizarra ingurua.

Talde guztiek Nafarroako Kirol eta Gazteria Institutuaren Gazteria zuzendaritzaordearen baimena eskatu behar dute, zenbait baldintza egiaztatuz, adibidez: udalaren baimena, edo istripu nahiz gizarte-erantzukizuneko aseguru-polizak izenpetzea, bai eta ezarri dituzten autobabeserako plan bat ere osasun-neurriekin (uraren, zaborren tratamendua, galkorrak diren elikagaien biltegiratzea, komunak) eta segurtasun-neurriekin (medikua, botikina, ebakuazio-plana larrialdi baten aurrean).

Eskaeran parte-hartzaileen zerrenda jaso behar da, bai eta arduradunen datuak ere Nafarroako Gobernuak uneoro haiekin harremana izateko. Izan ere, Gazteria zuzendaritzaordeko teknikariak zaintzan dauden eguneko 24 ordutan, astelehenetik igandera kanpaldietan edozein gertakariri arreta emateko. Halaber, Nafarroako Larrialdi Agentziak datu berak ditu taldeetako arduradunei abisua emateko beharra izanez gero. Arrazoi hori dela eta, ohikoa da baimenik behar ez duten taldeek ere datu-mota hori ematea.