Nafarroako Gobernuak 400.000 euro jarriko ditu udal-eraikinetan dauden Haur eta Lehen Hezkuntzako hemeretzi ikastetxe publiko hobetzeko eta birmoldatzeko aurten egingo diren lanetarako.

Diru-laguntzak herri hauetako Udalek jasoko dituzte: Altsasu (10.761,53 euro), Andosilla (744,70 euro), Baztan (21.653,64 euro), Beriain (3.300 euro), Berriozar (10.156,30 euro), Auritz (68.806 euro), Burlata (10.862,60 euro), Cabanillas (5.649,09 euro), Carcar (20.570 euro), Irurtzun (66.806,87 euro), Lesaka (83.822,01 euro), Noain (50.000 euro), Obanos (38.007 euro), Gares (78.111,07 euro), San Adrian (21.487,60 euro), Tutera (4.382,63 euro), Ultzama (31.711,17 euro), Urdiain (64.514,88 euro) eta Atarrabia (36.270,20 euro).

Zenbateko horren gehiena (270.047,61 euro) erabiliko da teilatuak birgaitzeko eta egokitzeko, eta gainerakoa fatxadak eta eraikinen oinarriak konpontzeko (50.000 eta 38.708,93 euro, hurrenez hurren), berokuntza-instalazioak berritzeko (26.921,46 euro) eta patioak eta beste leku batzuk iragazgaizteko (14.322 euro).

Obrak, 592/2013 ebazpenaren arabera, uztailaren 30a baino lehen hasi behar dira, salbu geroratzea baimentzen bada, eta aurtengo azaroaren 1erako amaitu.