Nafarroako Gobernuak asteazken honetako bilkuran Cordobillako (Galar) Infanta Elena Zentroaren kudeaketarako asistentzia-kontratua eskuratzeko eskaintza egitea baimentzea erabaki du, zeinak, ezgaitasun fisiko larria edo zorrotza duten pertsonei zerbitzua ematen dien.

Kontratua urriaren 1ean hasiko da eta 2014ko abenduaren 31n amaituko da. Denboraldi horretarako baimendutako gehienezko gastua 5,29 milioi eurokoa izango da, BEZa barne. Kontratua luzatu daiteke, guztira, lau urteko iraupena izan arte, 17 milioi euroko balio estimatuarekin.

Zehazki, esleipendunak 70 egoitza-plaza (arreta integrala eguneko 24 ordutan, urteko egun guztietan) eta eguneko zentroko 12 plaza (egunean zeharreko arreta astelehenetik ostiralera lanegunetan, urteko 12 hilabetetan) kudeatuko ditu.

Azpimarratu behar da eskaintza hori Pertsonen Autonomiarako Nafarroako Agentziaren eta Quavitae Servicios Asistenciales S.A.U. (lehen, Mapfre Quavitae S.A.) enpresaren arteko kontratua amaitu delako egin dela; 2009az geroztik enpresa horrek kudeatu du zerbitzua.