Nafarroako Lehendakariak Irisarriko Jauregiko Opor Zentroko obrak bisitatu ditu gaur goizean, eraikuntza-prozesu aurreratuan dagoena; turismo-zentro hori Irungo Carrillo familiarena da Igantzirekin lotura duen familia, 20 eta 30 lanpostu artean sortuko ditu eta, kalkuluen arabera, zeharka 150 bat lanpostu sustatuko ditu.

Zentroa 2014ko Aste Santuan irekitzea aurreikusten da, eta ostu hartzea, aisialdia, natura eta abentura barnean hartzen dituen landa-turismoko kontzeptu berritzailea jarriko du.

Lehendakariarekin batera bertan izan dira Kultura, Turismo eta Erakundeekiko Harremanetarako kontseilari Juan Luis Sánchez de Muniáin eta Turismo eta Merkataritzako zuzendari nagusi Carlos Erce.

75 hektarea dituen Nafarroako iparraldean kokatuta dago, Igantziko udal-mugartean, eta opor-zentro horrek ezaugarri eta prezio ezberdinetan ostatu hartzeko hiru modalitate izango ditu –hotela, etxolak eta aterpetxea– eta 200 lagunentzako lekua du. Oporretako gune hori familia eta bisitari-taldeentzat da, bai eta taldeen prestakuntza sustatzeko topaguneak egin nahi dituzten enpresentzat ere. Bestalde, kirol eta hizkuntzen turismoa ere erakarri nahi da; azken horrek gero eta eskaera handiagoa du beren oporrak hizkuntza bat ezagutzeko jarduerak egiten dituztenen artean. Azkenik, eta elementu bereizgarri modura beste opor-aukera batzuekiko, bertako jarduerak erabiltzeagatik sarrera bat ordaintzen duten eguneko bisitariak hartzeko pentsatutako guneak sortu dira.

Irisarriko Jauregia hotela

Etxe noble bat da, eta XI. eta XII. mendeetan du jatorria. Armarriduna eta lau solairutakoa, 17 gela dituen apartahotel batean birgaitu eta bihurtu da. Solairu bakoitzak 300 metro koadro ditu eta gela bakoitzak ohe bikoitza, ohe-sofa bat eta office txiki bat ditu harraska eta mikrouhin-labearekin. Eraikinak jatetxe panoramikoa, egonleku-taberna eta enpresentzako bilera-gela ere baditu.

Basajaun Basoa etxolak

Opor-zentroak, gainera, estetika finlandiarreko 12 etxola ditu eta hegal batean zehar harriz eginda daude. Etxolek bi gela eta sukalde-egongela bat dute leihoa duen horma eta ataripe batekin. Haien aurrean larrain handi bat zabaltzen da eta bertan behi nahiz ardiak bazkan ari dira.

Non Stop Inn aterpetxea

Finkako leku baxuenean eraikita dagoen eraikin berria da, eta 48 pertsona sartzen dira 4 eta 12 pertsona arteko logeletan. Eraikin beraren oinarrian informazioko zentro nagusia eta harrera orokorra daude.

Informazio gehiago. 687 421568 telefono-zenbakian eska daiteke.