SIC Bonuak enpresek erabili ahalko dituzte, era honetako lankidetza-proposamenen prestakuntzan espezializatuta dauden egiaztatutako eragileen zerbitzuak ordaintzeko. SIC BOnuen lehen deialdia, datozen asteotan abiaraziko da eta 2014an 500.000 euroko gastua jasotzen du. Planaren garapenean zehar, Gobernuak tresna horretan 1,7 milioi euro jarri nahi ditu eta 120 proposamenetarako erabil dadila.

Bigarren tresnak oinarri teknologikoa duten enpresa berritzaileen sorrerari (OTEBak) laguntza ematen die, eta teknologia-zentroek, ikerketa-taldeek, enpresako I+Geko departamentuek edo banakako eragileek sortutako ezagutzatik ateratakoak dira.

Hirugarrenik, planak zenbait zehar-ekintza proposatzen du. Zehazki, NUPko energia berriztagarrien ikasgelako esperientzia beste arlo batzuetara zabaldu nahi da; Unibertsitateak eta sektoreko enpresek ikerketa eta berrikuntzako arloari lotutako ekintzak egiten dituzte elkarrekin. Bestalde, administrazio publikoak tartean sartu nahi dira beren lizitazio publikoetan produktu edo zerbitzu berritzaileak sartuz. Azkeneko zehar-ekintzak proposatzen du berrikuntza irekia bultzatzea ikerketa-arloan enpresen arteko lankidetza eta laguntzarako estrategia modura. Neurri horiekin guztiekin batera, zabalkunde eta publizitateko ekintzak egingo dira eta, guztira, 400.000 euroko aurrekontua dute.

Laugarren tresnak I+G+B proiektuak bideratzea bilatzen du garatzen dituzten enpresei balio erantsi handiagoa sor diezaien. "Bonu teknologikoen" bitartez, zentro espezializatuen kontratazioa sustatuko da ikerketa-jarduera berbideratzeko eta banaka enpresek gaitasunik ez duten ekintzak egiteko. Tresna horretan planak 1,2 milioi euro erabiliko du eta 70 enpresa inguruk etekina atera dezaten nahi da.

Planeko aurrekontuaren zati handiena ikerketako proiektuei laguntza emateko erabiliko da, bosgarren tresnan zehaztuta dagoena. Planaren ustez, I+G+Bko proiektuak garatzea funtsezkoa da enpresak iraun dezan eta ondorio sozial positiboak dituzte enpresatik haratago. 2015a arte 75,7 milioi euro erabiliko da I+Geko 500 proiektu inguru garatzeko eta teknologia-zentroak gaitzeko. Proiektu kooperatiboak eta eskualdez gaindikoak lehenesten jarraituko da lehen aipatutako berrikuntza irekia sustatzeko neurri modura.

Gainerako bost tresnek eragile anitzeko sare, kluster eta mahaien sorrerari egiten die erreferentzia hainbat erakunderen arteko lankidetza sustatzeko. Ikertzaileen prestakuntza eta mugikortasuna hobetzea ere jasotzen dute, honako hau sustatuz: berrikuntza-sistemako eragileek egindako teknologoen kontratazioa; nazioarteko egonaldiak eta entzute handiko sareetan sartzea . Barne-proiektuen garapena, planaren eraginaren balorazioa, haren jarraipen nahiz etengabeko hobekuntza jasotzen dira. Eta azkenik, I+G+B arloan emandako laguntza fiskalak kuantifikatzen dira eta 2014 nahiz 2015erako aurreikuspenak.