Nafarroako Lehendakari Yolanda Barcinak Compañía Logística de Hidrocarburos (CLH) enpresako ordezkari goren José Luis López de Silanes hartu du ostiral honetan, Foru Gobernuaren egoitzan. CLH Espainiako merkatuan enpresa-liderra da petrolio-produktuak garraiatzen eta biltegiratzen.

Bilkuran zehar, enpresariak Lehendakariari helarazi dio konpainiak 5,5 milioi euro inbertitu duela Foru Komunitatean azken zazpi urteotan beste operazio-hobekuntza batzuen artean, bost biltegiratze-depositu berri eraikitzeko. 40.700 metro kubikoko ahalmena dute haiek, eta datorren hamarkadako erregai-horniduraren beharrei erantzutea dute xede.

Inbertsio honen ondoren, konpainiak 120.000 metro kubiko biltegiratzeko ahalmena du Nafarroan eta 172 kilometro inguruko oliobide-sare bat, Espainiako gainerako lekuekin lotuta dagoena San Adrian aldetik. Gainera, Noaingo aireportuan presentzia du, aireontziak hornitzeko instalazio batekin, bere filial CLH Aviación-en bitartez.

José Luis López de Silanes bilkuran izan da, CLH Taldeko Komunikazio eta Erakundeekiko Harremanetarako zuzendari Pedro Martínez eta Nafarroako enpresako arduradun Rafael Granderekin batera.