SIC bonuek aholkularitza-zerbitzuen kontratazioa diruz laguntzen dute berrikuntza-proiektuak prestatu, landu eta idazteko beharrezkoak direnak, Espainiako eta nazioarteko finantzaketa-deialdietan aurkeztu ahal izateko. Aholkularitza-jarduera horiek, besteak beste, balio dute aukerak identifikatzeko, baterako I+Geko prozesu bat egiteko bazkide-laguntzaileak bilatzeko, azterketak egiteko, txostenak lantzeko eta abar.

Bonuak aholkularitzan diruz lagun daitekeen kostuaren % 100 estaltzen du, nahiz eta muga ezberdinak ezartzen diren honako honen arabera: zer programari zuzentzen zaion (Horizonte 2020, CDTI edo Espainiako programak), enpresaren tamaina, proiektua garatuko duten bazkide-kopurua, erakundeak proiektuan zer eginkizun beteko duen (bazkide-koordinatzailea edo bazkide-partaidea), eta aurkezpenean lortutako balorazioa. Horrenbestez, bost edo bazkide gehiagok eta ebaluazio-prozesuan kalifikazio altua lortzen duen lankidetza-berrikuntzako proiektua koordinatzen duen enpresa batek, 24.000 euro arteko laguntza erdietsi ahalko zuen SIC bonuarekin.

SIC Bonuak datozen asteotan deituko dira eta 2014ko urtarrilaren 1etik egindako aholkularitza-gastuak estali ahalko dituzte. Banakako ebaluazioa eginez emango dira eta gutxienez urte honetan 50 proiektu garatzen lagunduko dutela aurreikusten da. Tresna horretarako 500.000 euroko aurrekontua dago.

Bonu teknologiko horiekin, Nafarroako ETEek beharrezko ezagutza eta teknologia izatea bilatzen da garrantzizko I+G+B ko proiektuak garatu ahal ditzaten, beren enpresetarako balio erantsi handiko sortzaileak. Zehazki, ETE batek Nafarroan dagoen zentro teknologiko batekin kontratatzen dituen zerbitzuen % 60 finantzatuko da (gehienez ere 15.000 euro) I+G+Bko barne-prozesuak egiteko.

Bonu teknologikoak datozen asteotan deituko dira eta 2014an emandako zerbitzuak estaliko dituzte. Banakako ebaluazioaren bidez emango dira eta gutxienez aurten 30 proiektu garatzen lagunduko dutela aurreikusten da. Tresna horretarako 500.000 euroko aurrekontua dago.

Tituludun gazteak kontratatzeko laguntza-deialdi honekin, enpresetan I+G+Bko proiektuak egiteko talentu gaztearen garapena sustatu nahi da, haiek praktiketarako kontratatuz; hala, kontratatutako pertsonek beren prestakuntza perfekzionatuko dute Foru Komunitateko zenbait sektoretarako interesgarriak diren arloetan ikerketa nahiz espezializazioko jarduerak eginez.

Kontratuko soldata-kostuen % 70 diruz lagunduko da, Gizarte Segurantzari egindako ekapenak barne, gehienez ere 15.000 eurorekin goi-mailako tituludunentzat eta 12.000rekin titulu ertaina dutenentzat.

Nafarroako Enplegu Zerbitzuak (NEZ) egingo du hautagaien aurre-hautaketa, enpleguaren bila daudenen artetik, eta erakunde onuradunak aurkeztutako kontratazio-planean aurreikusitako baldintza nahiz irizpide zehatzak biltzen dituztenak.

Laguntzak lehiaketa bidez emango dira eta gutxienez urte honetan 30 ikertzaile kontratatzen lagunduko dutela aurreikusten da. Tresna horretarako 500.000 euroko aurrekontua dago.

Nafarroako Gobernua zenbait informazio-jardunaldi antolatzen ari da CDTIren laguntzarekin, Nafarroako enpresei Espainiako nahiz nazioarteko finantzaketa-mekanismo berriak hurbiltzeko.