Nafarroa estatuko protokolo bati atxiki zaio ugatzen kontserbazioa sustatzeko, hamahiru autonomia erkidegok berretsitako dokumentua. Gaur egun, Foru Komunitateak espezie horretako ugalketako hamar unitate ditu.

Landa Garapen, Ingurumen eta Toki Administrazioko kontseilari José Javier Esparza k ostegun honetan izenpetu du hitzarmena, eta hari atxiki zaie ere Euskal Autonomia Erkidegoa, Katalunia, Galizia, Andaluzia, Asturias, Kantabria, Errioxa, Murtzia, Aragoi, Gaztela-Mantxa, Madril eta Gaztela eta Leongo autonomia erkidegoak, alde batetik populazioa handitzen uzten duten ekimenak abian jartzeko, eta bestetik, haien banaketa beren Penintsulako lehengo okupazio-eremuetara zabaltzeko. Espainia espezie horretako populazio handieneko herrialdea da Europan, galtzeko zorian dagoena, ugalketako 130 unitate baino gehiagorekin.

2012-2013 kanpainan ugalketako hamar unitate zenbatu ziren Nafarroan, hamaika eremutan kokatuta, haietako hiru Nafarroako ipar-mendebaldeko eremuan, eta beste zortziak, Pirinio aldean. Denboraldi honetan bertan, ugalketako hamar unitate horiek bost errunaldi egin zituzten, eta handik bi oilasko atera ziren hegan. Elikadura gehigarria ematen zaie 13 puntutan, 2.776 kiloko janaria emanez.

Akordio honen bidez, autonomia erkidego sinatzaileek espezie hori kontserbatzeko ekimenen lankidetza eta aplikazioa sendotzen lagunduko duten ekintzak sustatzeko nahia adierazten dute. Mehatxatuta dauden espezien Espainiako Katalogoan galtzeko arriskuan dagoen espezietzat jotzen da eta Hegaztien Zuzentarauko I. Eranskinean sartuta dago.

Populazio hori zenbait faktoreren mende dago, eta epe labur eta ertainean haien bizirautea baldintzatu ahalko zutenak. Azken hamarkadetan etengabe hazten joan arren, populazioa oso handia ez izateak, haren banaketa-eremua murritza izateak eta espezieak leku berriak kolonizatzeko zailtasunak izateak populazio kalteberan bihurtzen dute.