Nafarroak "Alimentaria 2004" azokan parte hartuko du datorren astean, nazioarte-mailan sektoreko azoka garrantzitsuenetako batean. Guztira, 40 enpresa bilduko dira eta beren produktuak aurkeztuko dituzte Bartzelonan, martxoaren 31tik apirilaren 3a bitarte.

40 enpresa horietatik, guztiak nekazaritza-elikaduraren industriako hainbat sektoretakoak, 22k Nafarroako Gobernuaren laguntza ekonomikoaren bidez egiten dute, eta beste 18k, norberaren izenean.

Nafarroako Lehendakari Yolanda Barcinak datorren asteartean, apirilak 1, bisitatuko du azoka, eta harekin batera izango da ere, Landa Garapen, Ingurumen eta Toki Administrazioko kontseilari José Javier Esparza. Foru Komunitatearen ordezkaritzak 427 m2-ko pabiloi instituzionala izango du.

Elikagai eta edarien fabrikazio nahiz banaketan buru diren mundu guztiko 3.800 enpresa baino gehiago batzea espero da azokan; 85.500 m2 okupatuko dute erakusketarako eta ekintza osagarriak egiteko, eta 140.000 bat bisitarik parte-hartzea espero da, % 35 atzerritik etorrita.

Nafarroak 1984tik parte hartzen du erakusketan, eta nekazaritza-elikaduraren industriako barietate, kalitate eta profesionaltasunaren erakusketa garrantzitsu batekin agertuko da, sistema industrial guztian pisu espezifiko handiena duen bigarren jarduera, eta horrek Foru Komunitateko oinarri sozio-ekonomikoetako bat bihurtzen du.

Nekazaritza-elikaduraren sektorea Nafarroako BEGaren (Balio Erantsi Gordina) % 6,7 da eta industriako BEGaren % 23. 1.370 enpresa eta 24.000 nekazaritza-ustiapen daude sektoreari lotuta. 25.000 pertsonari ematen diela lana kalkulatzen da.

Sektore hau arlo esportatzailean ere oso aktiboa da. 2013an, 875 milioi euroko balioa zuten nekazaritza-elikadurako produktuak esportatu ziren (esportazio guztien % 11,84), hau da, aurreko urtearekin alderatuz % 12,3ko igoera (779 milioi izan ziren 2012an). Horrek esan nahi du esportazioak alor horretan Nafarroako esportazio guztiak baino (% 2) 6 aldiz gehiago igo zirela.

Gainera, nekazaritza-elikaduraren industriak lurraldea egituratzen laguntzen du eta, bereziki, ureztapenak bere inguruko industriak erakartzen ditu, erraz deslokalizatzen ez diren industriak eta inguruan sustraiak botatzen dituztenak.