Ibaietako eremuak berreskuratzeak, emariaz gain, ibaiertzeko korridoreak eta uholde-lautadak barneratzen dituena oztopoak kenduz (presak eta noriak), bai eta lurralde-antolamendu eta babes zibileko beste neurri batzuk ere, uholdeei lotutako kalte sozio-ekonomikoak arintzen utziko zuten.

Hori da Europako Ibai Lurraldeen (EIL) mugaz gaindiko lankidetza-proiektuaren azken mintegiko ondorioetako bat. Iruñean egiten ari dira Espainia nahiz Frantziako ibaietako kudeaketa iraunkorreko adituen parte hartzearekin, ehun bat lagun baino gehiagoren aurrean.

Europako hego-ekialdeko espazioko lurralde-lankidetza-programan dagoen proiektua Nafarroako Gobernuaren parte-hartzearekin egin da azken hiru urteotan, Nafarroako Ingurumen Kudeaketa sozietate publikoaren bidez eta SMEAG (Syndicat mixte d'études et d'aménagement de la Garonne) erakunde frantsesaren bidez Bidasoa eta Garona (Midi-Pyrénées) ibai-arroetan.

EIL proiektuaren helburua ibaietako gune propioak berreskuratzea izan da, haren kudeaketari eragindako Europako zuzentarauak aplikatuz (Uraren Esparruaren zuzentaraua, Habitat-aren zuzentaraua eta Uholdeena). Horretarako, ibai-lurraldearen kontzeptua erabili da, ibaiak hartutako gune edo paisaia modura definituta eta emaria barnean hartzen duena, baina baita ibaiertzeko korridorea eta uholde-lautada ere. Gune zabala da eta bertan higadura eta uholdearen ibai-ekosistemen berezko prozesuak gertatzen dira.

Lurralde hori berreskuratzeak ibaiari bere dinamika hidrogeomorfologikoa berriz bereganatzea ekarriko dio, uren egoera ekologikoa hobetzea, biodibertsitatea babestea eta uholdeak era naturalean laminatzea; hala, uholdeei lotuta izan daitezkeen kalte sozio-ekonomikoak arinduko dira.