Herritarren salaketak

Bestalde, jaiegunetan, 700 zigor-salaketa jaso dituzte agenteek Herritarren Arretarako Bulegoan. Iazko Sanferminetan, aldiz, 655 salaketa aurkeztu ziren. Gehienak ebasketak (% 77) eta lapurretak (% 11) izan dira.

Iazko datuekin alderatuta, azpimarratzekoa da lapurretengatiko (2013an 45 izan ziren eta 2014an 78) eta ebasketengatiko (522 2013an eta 78 2014an) salaketa kopuruak gora egin izana. Hala ere, behera egin dute erasoekin (bost iaz, bat aurten) eta tratu txarrekin (lau iaz, bat ere ez aurten) erlazionatutakoek. Zazpi salaketatik bat larunbatean, uztailak 12, aurkeztu zen, hau da,  aurkeztutako 700 salaketa guztietatik 108.

Zezen-plazako esku-hartzeak

Foruzaingoko 60 agentek osatu dute entzierroetako taldearen antolaketa. Beste 30 poliziak arratsaldeetako zezenketa-ekitaldiak kontrolatu dituzte, uniformez zein kalez jantzita. Agente horiekin batera izan dira Joko eta Ikuskizunen Brigadako kideak, agintarien ordezkari gisa lanean.

Agenteek 128 salaketa jarri dituzte zezen-ikuskizunen inguruko araudia urratzeagatik, gehienak gauzak edo likidoak jaurtitzeagatik. Iaz 65 izan ziren jarritako salaketak. Gainera, 172 pertsona plazatik irtenarazi dituzte ikuskizunak abian ziren bitartean. Iazko jaietan, 61 pertsona kanporatu ziren. Beste pertsona bat uztailaren 7ko zezenketan atxilotu zuten, sexu-erasoa egiteagatik.

Bestalde, agenteek 22 salaketa jarri zituzten zezen-plazan estupefazienteak kontsumitu edo izateagatik eta beste 36 neurrigabekeria larriak egiteagatik. Bederatzi pertsona inputatu dira agenteen aurrean desobedientzia larria egiteagatik eta beste zortzi gizatasunaren udal-ordenantza urratzeagatik.

Zezen-ikuskizunen inguruko araudia urratzeagatiko salaketei dagokienez, horietako batzuk sarreren birsalmentarekin (22 salaketa), entzierroaren ondoren bigantxetara igo edo bigantxak kolpatzen dituzten pertsonei egindako erasoekin (14 salaketa), bigantxei egindako tratu txarrekin (7 salaketa) eta entzierroaren ordenantzarekin (2 salaketa, horietatik bat bideo-kamerarekin korrika egiteagatik, asteazkenean, uztailaren 9an) erlazionatutakoak izan ziren.

Joko eta Ikuskizunen Brigadako agenteek zezenekin lotutako 80 jai kontrolatu dituzte (8 zezenketa, 18 entzierro eta ganadu-askatze, zekorketa bat pikadoreekin, korrida bat burtziekin eta errekorteen bi lehiaketa). Horietan 23 salaketa jarri dituzte honako arrazoi hauek direla-eta: zigor-burtzien zabalera handiegia izateagatik (7), banderilla gehiegi edukitzeagatik (5), ganaduaren irteera estaltzeagatik (3), ganaduaren inguruan biratuz pikatzeagatik (3), lerroen barruan pikatzeagatik (2), toreatzailea berandu iristeagatik (2) eta hiltzeko burtzi batekin oina lurrean jartzeagatik (1).

Foruzaingoaren beste jarduera batzuk

Egun hauetan, Foruzaingoak 460 administrazio-salaketa ere jarri ditu, iaz baino 49 gehiago. Horietatik 111 trafiko-arauak hausteagatik izan dira, beste 111 joko eta ikuskizunekin erlazionatutako urratzeengatik, 95 udal-ordenantzak ez betetzeagatik eta 143 hainbat administrazio-arau hausteagatik.

Trafikoaren eta bide-segurtasunaren alorrean, Foruzaingoak 10.720 alkohol-proba egin ditu. 68 positiboak izan dira. Gidari horietatik bederatzi bide-segurtasunaren aurkako delitua egiteagatik inputatu dira eta beste 59 salatu egin dira. Agenteek zortzi kontrol egin dituzte egunero, uztailaren 5etik 14ra, bi ordukoak, eguneko hainbat tartetan.

Foruzaingoko Aginte eta Koordinazio Zentroak 360 gorabehera artatu ditu aurtengo Sanferminetan, iazkoetan baino 127 gehiago. Horien artetik nabarmentzen dira pertsonentzako laguntzarekin (48) eta istiluekin (29) erlazionatutakoak. Amaitzeko, Foruzaingoak sei pertsona identifikatu ditu jaietan.