Castellano | Euskara | Français | English

Bilatzaile erabili!

Ikusi egun honetako albiste gehiago

Nafarroako Gobernuak helduentzako euskara-ikastaroetan matrikulatzeko ezohiko epea ireki du asteazkena, 2014.eko abuztuak 20

Ikasleak Zubiarten edo Euskarabiden matrikula daitezke irailaren 1etik 5era, 2014-2015ean ikastaro trinkoetan, hedagarrietan eta autoikaskuntzako ikastaroetan parte hartzeko

Nafarroako Gobernuak irailaren 1etik, astelehena, irailaren 5era, ostirala, irekiko du helduentzako euskara-ikastaroetan matrikulatzeko ezohiko epea. Zubiarte euskaltergiak eta Euskarabidek eskainiko ditu ikastaroak. 2014-2015ean ikastaro trinkoetan, hedagarrietan eta autoikaskuntzako ikastaroetan parte hartzeko ekainean egindako matrikulatzean hutsik geratu ziren plazak eskaintzen dira.

Izen-emateko hurrenkerari jarraiki onartuko dira matrikulak. Zubiarte euskaltegiaren egoitzan (Zubiarte kalea, 13, Uharte. Telefono-zenbakia: 948 361091) edo Euskarabiden (José María Iribarren eraikina. Bartolomé de Carranza kalea, 5, Iruña. Telefono-zenbakiak: 848 426054 eta 848 426053) egin beharko da matrikula, hautatutakoaren arabera.

Ikastaroen araberakoak dira tasak. Kategoria orokorreko familia ugarietako kideei % 50eko deskontua egingo zaie matrikulan; kategoria bereziko familia ugarietako kideek, aldiz, ez dute ordaindu beharko matrikula.

Ikasle berriek maila zehazteko proba egin beharko dute; izena emateko orduan emango zaie horren berri, oinarrizko mailan (A1) matrikulatzen badira izan ezik.

Euskarabidek honako ordutegi eta moduluetako taldeak osatzeko plazak eskaintzen ditu:

- Astean 10 orduko ikastaroetan (astelehenetik ostiralera) 7:00etatik 9:00etara, A2, B1, B2 eta C1 mailak.

- Astean 7,30 orduko ikastaroetan (astelehenetik ostiralera) 7:30etik 9:00etara, A1 maila.

- Astean 6 orduko ikastaroetan (astelehenak eta asteazkenak) 9:00etatik 12:00etara, A1.1 eta A2 mailak.

- Astean 6 orduko ikastaroetan (astearteak eta ostegunak) 9:00etatik 12:00etara, B2 maila.

- Astean 6 orduko ikastaroetan (astelehenak eta asteazkenak) 13:00etatik 16:00etara, B1 maila.

- Astean 6 orduko ikastaroetan (astelehenak eta asteazkenak) 13:00etatik 16:00etara, A1.1 maila.

- Astean 6 orduko ikastaroetan (astearteak eta ostegunak) 16:00etatik 19:00etara, A2 eta C1 mailak.

- 30 orduko modulu trinkoan (astelehenetik ostiralera) 8:00etatik 14:30era: A1 eta A1.1 mailak.

Zubiarte euskaltegiak 321 plazako eskaintza egin du (parentesi artean agertzen dira). Hamar orduko ikastaroetan, goizetako zein arratsaldeetako saiora joan daitezke txandaka lan egiten dutenak:

- Astean 10 orduko ikastaroetan, 9:15etik 11:45era, A1 (6); A2 (7); B1 (8), eta B2 (8) mailak.

- 10 orduko ikastaroetan, 17:00etatik 19:30era, A1 (6); A2 (7); B1 (8), eta B2 (6) mailak.

- Astean 5 orduko ikastaroetan, 9:15etik 11:45era, A1 (5); A2 (7); B1 (10); B2 (16), eta C1 (18) mailak.

- 5 orduko ikastaroetan, 17:00etatik 19:30era, A1 (6); A2 (11); B1 (8); B2 (16), eta C1 (11) mailak.

- 4 orduko ikastaroetan, 19:30etik 21:30era, A1 (10); A2 (12); B1 (10); B2 (5), eta C1 (9) mailak.

- Autoikaskuntzako ikastaroetan, astean 2 ordu aurrez aurrekoak eta 4 ordu gutxienez sarean, A1 (26); A2 (23); B1 (22); B2 (14), eta C1 (26) mailak.

Prentsa oharra:

Albiste hau osorik izan nahi baduzu PDF artxibo batean sakatu hemen

Jar zaitez gurekin harremanetan | Erabilerraztasuna | Lege abisua | Webaren mapa