Zerbitzu hori Nafarroako Liburutegi Publikoen Sareko erabiltzailearen txartela duen edonork erabil dezake. Ezinbestekoa da txartel-eskaeraren barneko datuen artean helbide elektronikoa agertzea. Hori dela-eta, aurrez datu hori eman ez bada, beharrezkoa da hori egiteko liburutegira joatea eta sarbide-pasahitza eskatzeko. Mailegu eta erreserbak bide telematikoa erabiliz egiten dituzten pertsonek izapide horietarako erabiltzen dituzten pasahitz bera erabili ahalko dute.

eBiblio Navarra zerbitzua gaztelaniaz, euskaraz eta ingelesez erabil daiteke.

eBiblio Navarra-k era guztietako liburu elektronikoaren bilduma eskaintzen du: fikzioa helduentzat (narratiba, poesia eta antzerkia); zientzia eta teknologiari, gizarte-zientziei, arte eta giza zientziei buruzko obra orokorrak; osasun, autolaguntza eta garapen pertsonaleko gaiei lotutako obra orokorrak, eta aisialdi, bidai, kirol nahiz interes orokorreko informatikari lotutako moduak nahiz jarduerak.

Gainera, haur eta gazteentzako fikzioa ere badago (narratiba, poesia eta antzerkia barne) eta baita publiko berarentzako fikziozkoa ez dena ere (artea, musika, historia, zientzia eta teknologia, aisialdia, kirolak…).

Liburutegi publikoetako liburu elektronikoen mailegu-zerbitzu horrekin, honako hau erdietsi nahi da: liburutegietako aurrez aurrezko zerbitzuen ohiko erabiltzaileak ez diren gizarte-sektore berriei irakurketa hurbiltzea, bultzatzea; horrekin batera, kalitatekoak eta egungoak diren eduki digitalen legezko kontsumoa sustatzea, eta azkenik, gure herrialdean liburu elektronikoaren merkatua dinamizatzea.

Gainera, Nafarroako Gobernuaren Kultura, Turismo eta Erakundeekiko Harremanetarako Departamentuak bilduma euskarazko liburu elektronikoen sorta batekin osatu du.

Xede horrekin, Liburutegien Zerbitzuak edukien hautaketa bat egin du eta mailegurako ehunka at obraren erabilera-lizentziak erosi.

Zerbitzu berri horren zabalkundea errazteko, gaztelania eta euskarazko triptiko batzuk egin dira oinarrizko informazioarekin Sareko 93 liburutegietan banatzeko.