Lehen lehendakariorde eta Ekonomia, Ogasun, Industria eta Enplegu kontseilari Lourdes Goicoechea "Círculo de Navarra" elkarteko kideekin elkartu da gaur goizean, Madrilen. Elkarte hori Espainiako hiriburuan bizitzen jarritako enpresari eta profesionalek osatzen dute. Bilkura horretan Nafarroako Gobernuak landutako erreforma fiskalaren proiektuko alderdi nagusiak azaldu dizkie, une honetan parlamentuko izapidean dagoena.

Bileran elkarte horretako kide diren 50 bat enpresarik parte hartu dute. Elkartea iaz sortu zen Nafarroako garapen ekonomikoa eta enpresa-garapena sustatzeko asmoz, bai eta haren identitate-balioak zabaltzeko ere.

Elkarteko lehendakari Fermín Villanuevak eta zuzendaritza-batzordeko kide Carlos Fernández-Lergak egindako aurkezpenaren ondoren, lehendakariordeak Komunitateak egun zer egoera ekonomikoa duen adierazi du, eta egoera hori "itxaropentsutzat" jo du; nolabaiteko "susperraldia" dagoela dagoeneko ikus daiteke" eta "adierazle makroekonomiko pozgarriak finkatzen ari dira". "Industria-ekoizpen, esportazioen datuak pixkanaka hobetzen ari dira, enpresari nahiz kontsumitzaileen konfiantza-indizea hobetzen ari da eta baita barne-kontsumoarena ere; horrek guztiak Nafarroa "egoera ekonomiko txarraren erasoak ondoen pairatu dituen autonomia erkidego bihurtu du".

Aurretiazko azterketa horren ondoren, Lourdes Goicoecheak aipatu du Gobernuaren ahalegina susperraldi ekonomikoan eta enpleguaren sorreran kontzentratzen dela eta, horretarako, hazkunderako motorra izango den erreforma fiskalaren proiektua egin duela; proiektu hori behar besteko baliabideetan, sistemaren zuzentasunean eta progresibitatean oinarritzen da. Zeharkako zergei dagozkien behar besteko baliabideetan oinarritu da; izan ere, Nafarroak zeharkako zergen gaineko araudi-eskumenik ez du, BEZa edo Zerga Bereziak, esate baterako.

Zehazki, azaldu du Gobernuak proposatutako erreforma fiskalaren proiektuak nafar guztientzako zerga-jaitsiera bat dakarrela, zerga-tasen progresibitateari eusten diola eta sistemaren zuzentasuna hobetzen duela.

Lehendakariordearen arabera, Sozietateen gaineko Zergan egindako jarduerek izango duten eragin handiena susperraldi ekonomikoan eta enpleguaren sorreran. Zehazki, Gobernuaren proposamenak egungo sistema sinplifikatzearen alde egiten du, konplexua dena enpresa-tamainaren araberako tasa ezberdinak daudelako eta askotariko hobari fiskalak daudelako, tasa orokor bakarra ezarriz, % 20, enpresa guztietarako, kooperatibak eta lan-sozietateak (% 17), irabazi-asmorik gabeko erakundeak era fundazioak (% 10) salbu. % 10eko zerga-lurzorua finkatzen da. Hobari fiskalak ere sinplifikatzen dira honako hauengatiko kenkariei eutsiz: I+G+B, biomasa-instalazioak, inbertsioen erreserba berezia, enpresa aktibo finko materialak eta enpleguaren sorrera, handitu egiten dena ere (% 13 eta 33 artean, kasuen arabera).