Baso-biomasako ziklo guztiko 35 enpresak eta erakundek parte hartuko dute gaurtik, osteguna, sektoreko II. Azokan. Datorren larunbatera arte egingo da, eta energia termikoa sortzeko orduan (berokuntza eta ur beroa) baso-biomasak erregai modura erabiltzeak zer abantaila ekonomiko, ingurumen- nahiz gizarte-abantaila sortzen dituen zabaltzea du xede. Gaur egun, Nafarroan era honetako 500 instalazio baino gehiago dago, gehienak banako etxebizitzetan nahiz auzotarren komunitateetan. 300 bat enpresatako jarduerak sektore horretan oinarritzen dira, landa-eremuan bereziki, eta 4.000 laguni enplegua ematen die.

Nafarroako Gobernuak antolatzen duen era honetako bigarren azoka da, Cofely-GDF Suez eta Smurfit Kappa-ren babesarekin, alde batetik, baliabide energetiko horren ezagutza hobetzeko asmoz, eta bestetik, haren erabilera sustatzeko enpresetan, sektoreko profesionalengan, erakunde publikoetan, auzotarren komunitateetan eta jendearengan , oro har.

Azoka gaur hasi da bereziki profesionalentzako jardunaldi tekniko batekin, eta irekiera-ekitaldia lehen lehendakariorde eta Ekonomia, Ogasun, Industria eta Enpleguko kontseilari Lourdes Goicoecheak egin du. Hark aipatu du Nafarroan biomasaren erabilera gehitzeak erregai fosilen kanpoko merkatuen mendekotasuna murriz dezakeela. Gaur egun, Foru Komunitateak sortutako egurraren 1,3 milioi metro kubiko baino ez da aprobetxatzen. Horri esker, alde batetik, tokiko eta hurbileko merkatu bat sortuko zen, landaguneetako ekonomian ondorio zuzenak izanik, eta bestetik, berogailuen faktura % 50eraino jaitsiko.

Nafarroako Baso Biomasaren II. Azoka

Hiru egun hauetan zehar, irailaren 25, 26 eta 27, 35 erakusketariek baso-biomasaren erabileran oinarritutako hainbat erregai-mota eta instalazio termiko erakutsiko dituzte Baluarte Biltzar Jauregia eta Auditorioan. Alor honetako (erregaiak, basoko arloa, ingeniaritza, instalazioak, zerbitzu energetikoak eta sistemak) jarduera-sektore askotako enpresak eta erakundeak dira, haien artean dago Nafarroako Gobernua, eta biomasaren ziklo guztia hartzen dute, hura ateratzen denetik erregai moduan erabiltzen den arte.

Jardunaldien barnean, gainera, aldi berean beste ekintza batzuk izango dira, Nafarroako Unibertsitateko egurraren Katedrak Foru Gobernuaren laguntzarekin egindako dibulgaziozko bideoak, esate baterako; haien helburua da, arlo horretako ezagutzarik ez duten pertsonek biomasaren gaineko ikuspegi orokorra izan dezaten eta azokara egindako bisita hobeto aprobetxa dezaten.

Sektoreko eragileen arteko negozio-bilerak ere kudeatu dira, enpresak bereziki, eta bezeroak izan daitezkeenak, eta baita talde txiki eta espezifikoentzako tailerrak ere; azken horietan, adibide zehatzak azaldu eta ondoren haiei buruz eztabaidatuko da.

Baluarteko kanpoko zabaldegian ere, baso-lanetarako makinak jarriko dira ikusgai, bai eta erregaia banatzeko kamioiak ere.

Erakusketa bisitatzeko ordutegiak honako hauek dira: gaur, osteguna, 16:30etik 20:00etara; bihar, ostirala 26, eta larunbatean, hilak 27, 11:00etatik 14:00ak arte eta 16:30etik 20:00ak arte.