Osasun Departamentuk "la Caixa"-ren laguntza izango du Nafarroako Gobernuak. zenbait kasutan, erakunde sozialen laguntzarekin sustatutako osasun-arretako zazpi proiektu garatzeko.

Banku-entitatearen gizarte ekintzak 436.500 euro ematea jasotzen duen akordioa, honako hauek izenpetu dute gaur goizean Nafarroako Jauregiko prentsa-aretoan: Osasun Departamentuko kontseilari Marta Verak; Nafarroako Caixabank-eko lurraldeko zuzendari Ana Díez Fontanak; eta Caja Navarra Fundazioko lehendakari Joaquín Giraldez-ek.

Hitzarmen honen xede diren zazpi proiektuak honako hauei lotuta daude: koloneko minbiziaren prebentzioa; GIB-HIESa; garun-paralisia duten haurren tratamendua; odola ematea; gutxiengo etnikoetan osasuna sustatzea; minbizia duten gaixoei arreta ematea eta osasun-ikerketa.

Gainera, abenduaren 3an indarrean izango den akordioaren arabera, sinatzaileek Nafarroarako interesgarriak diren beste proiektu batzuetan laguntza handiagoa ematea adostu ahalko dute, osasun-alorrean, eta izenpetutako testuaren eranskin modura gauzatuko dira.

50.000 euro jasoko duen lehen proiektua, Elige 90 koloneko minbizia garaiz detektatzeko programaren zabalkundeari lotuta dago, herritarrak sentsibilizatzeko asmoz detekzio-azterketan parte har dezaten.

150.000 euro ere erabiliko da GIB-HIESeko gaixoen prebentzio, informazio, jarraipen, laguntza eta kontrolean lan egiten duten edo kalteberak direlako arriskuan dauden taldeekin lan egiten duten elkarte eta erakundeek.

"la Caixa"-ren Gizarte Ekintzaren diru-laguntza jasoko duen hirugarren proiektua (130.000 euro), garun-paralisia eta antzeko gaitz neurologikoak dituzten 16 urtez azpiko adingabeen tratamendua da, ASPACE fundazioak egiten duena Petö metodorekin.

Beste 60.000 euro ADONAk odol-emaileak erakartzeko egiten duen kanpainarako erabiliko da, bai eta jadanik erakunde horri laguntzen dioten odol-emaileei eusteko egindako ekintzetarako ere.

Bestalde, 23.000 euro erabiliko da osasunaren sustapen-programetarako eta gutxiengo etnikoen gaitzak prebenitzeko, sarritan, beren egoera sozio-ekonomikoak prestakuntza ezagatik gaitz zehatz batzuk izateko arrisku handiagoa izatera eramaten dituztenak.

Seigarren proiektua, 13.500 eurokoa, Espainiako Minbiziaren Aurkako Elkarteak gaitz hori detektatu zaien pertsonei eta haien senideei emateko laguntza da, laguntza psikologikoa bereziki.

Azkenik, Navarrabiomed-Miguel Servet fundazioak 10.000 euro jasoko du Foru Komunitatean osasun-ikerketako proiektuak kudeatu eta egiteko.