Bertizko Jaurerria Parke Naturalak ate irekiko jardunaldia antolatu du datorren iganderako, urriak 5, eta bertan babesturako gune horrekin gozatu ahalko da, jolas- eta kirol-jarduera askotan parte hartu ahalko da, bai eta inguruko nekazaritzako elikagaien eta eskulangintzako eskaintza ezagutu ere.

Jardunaldia 10:30ean hasi eta 19:30ean amaituko da, eta bertan Baztan Bidasoa eskualdeko talde eta erakundeek laguntzen dute. Programaren barnean sartzen dira: haurrentzako birziklatze-saioak, atari zabaleko pintura, yoga, argazkilaritza, dantzariak, egurrezko eskulturen erakusketa, informazio-mahaiak, eta Bertizko Jaurerriko Lorategi Historiko-Artistikoan eta basoan zehar egindako doako bisitak.

Bertizko Parke Naturalak 33.894 bisita jaso ditu aurtengo lehen seihilekoan, 2013an aldi berean izandako bisitak baino % 10 gehiago. Lorategi historiko-artistikoan, aurtengo urtarriletik ekaina bitarte 18.123 pertsona sartu dira, naturako interpretazio-zentroan, 9.817, eta basoan, 14.821 pertsona.