Urriaren 31n amaituko da Errege Artxibo Orokorrean "El Archivo Renovado. Diez años de la reapertura del Archivo de Navarra" izeneko erakusketa, Komunitateko ibilbide historikoaren agiri adierazgarrienak batzen dituen bilduma. Artxiboa Iruñeko Errege Jauregian berrireki zenetik hamar urte bete direla-eta ospatzeko antolatu da erakusketa, Rafael Moneo arkitekto tuterarrak egindako birgaitzearen ondoren.

Félix Segura komisario duen bildumak honako hauei lotutako agiriak jasotzen diru: Monarkia, Erreinua, Lurraldea, Erakundeak, Udalerriak, Eliza, Forua, Leinua, Hizkuntza, Memoria, Balentriak eta Festa. Artxiboko egoitzaren berrikuntzari eta azken urteotan egindako artxibo-lanei buruzko beste agiri batzuk ere ikusgai daude.

Irekita izango da astelehenetik ostiralera, 09:00etatik 15:00etara, eta asteburuetan nahiz jaiegunetan, 11:00etatik 14:00ak arte.

Guztira, 45 agiri daude erakusgai, haietako batzuk oso garrantzitsuak, esate baterako: XII. mendeko Leireko Kartularioa; XIII. mendeko Orreagako Kanta; XIV. mendeko Nafarroako Foru Orokorra; XVI. mendeko Nafarroako Erreinuko Armeria Liburua; 1365eko Comptos Ganberaren sorrera; 1423ko Iruñeko Burgoen Batasunaren Pribilejioa; 1415eko Machín de Zalbaren gutuna, euskarazko testu zaharrenetako bat barnean duena; 1657an San Fermín eta Xabierko San Frantzisko Nafarroako zaindari izendatu zutenekoa; 1695eko Moret-en Analeak eta baita 1982ko Foruaren Hobeagotzea ere, besteak beste.