Egungo araudiaren arabera, udaletxeak dira erakunde eskudunak garbiketako zerbitzu publikoa betetzeko, eta horren barnean sartzen da pintadak garbitzea.

Nafarroako Gobernuak nahiz Gobernuko Ordezkaritzak protokolo hori sinatu zuten, bi aldeek Foru Komunitateko herrietako kale eta fatxadetan terroristen, talde terroristen aldeko edo terrorismoari gorazarre egiten dioten pintadak zein kartelak ez egoteko agertutako interesgatik. Kartel horiek jarriz eta pintadak eginez, gainera, biktimak arbuiatu eta umiliatzen dira.

Protokoloaren arabera, aipamen terroristak egiten dituen pintada edo pankarta baten berri izatean, Polizia Nazionala, Guardia Zibila eta Foruzaingoa arduratuko dira txosten bat egiteaz, eta beren menpe dauden administrazio publikoari emango diote. Egin duen segurtasun-indarraren arabera, erakunde bat edo bestea arduratuko da dagokion udalari egoeraren berri emateaz, gogoraraziz pintadak garbitzeko duen legezko betebeharra, eta hura kentzeko hilabeteko epea emanez. Epe hori igarotzen denean, Nafarroako Gobernuaren edo Ordezkaritzaren eskaera gauzatu den edo ez egiaztatuko da. Hala egiten ezean, Foru Gobernuak garbitu eta kenduko ditu pintadak eta lan horrek eragindako kostuak bete ez duen udalak ordainduko du. Ordaintzen ez badute, kopuru hori Nafarroako Zergetako Toki Ogasunen Partaidetzako Funtsaren transferentzietatik kenduko da.

Jarduera hori egingo da, eta, nolanahi ere, gertaerak organo judizial edo fiskalei bidali ahalko zaie, erantzukizun penalak izan ditzan.