Osasun-arretarako itxarote-zerrenda gutxitu egin da kontsulten nahiz ebakuntzen arloan. Irailaren 30eko datuetatik ondorioztatzen denez, kontsulten itxarote-zerrendan, atzerapena 2 egun baliodunetan gutxitu da, eta 60 egunekoa da orain. Aipagarria da, 1.350 pertsona gutxiago daudela itxaroten hilabete bakar batean, eta ebakuntza egiteko itxarote-zerrenda ere 4 egun baliodun gutxitu dela; 85 egun dira orain.

Lehen kontsultei dagokienez, adierazgarria da Traumatologiak izandako jokabidea, 884 pertsona gutxiago baitaude itxaroten, eta batez besteko atzerapena, berriz, 10 egun baliodunekoa da. Urologian 642 pertsona gutxiago dago itxaroten, batez besteko atzerapena 17 egunetan jaitsiz. Beste zenbait zerbitzuk, Otorrinolaringologia, Oftalmologia edo Dermatologiak, esaterako, itxaroteko epea 5 egunetan murriztu dute, 13 egunetik 8ra; eta Kardiologian bi egunetan murriztu da, eta 28 egunekoa da orain.

Ebakuntza egiteko zain dauden itxarote-zerrendari dagokionez, eskaera handieneko kirurgia-espezialitateen egoera, honako hau da: kirurgia orokorrean atzerapena 80tik 79ra pasa da; oftalmologian, 4 egunetan jaitsi da (60tik 56ra); Traumatologian 10 egunetan jaistea lortu da, 116tik 106ra; eta Urologian 7 egunetan, 41etik 34 egun baliodunetara.

Garrantzitsua da oroitzea Nafarroako Osasun Zerbitzua-Osasunbideak itxarote-zerrendak kudeatzen dituela pazienteak lehenesteko mekanismoekin; haiek argi eta garbi ezartzen dituzte lehentasunezkoak eta lehentasunezkoak ez diren ebakuntzen arteko bereizketa. Era horretako kudeaketarekin lan egiten da garrantzi kliniko handiagoko prozesuetan desegokiak diren atzerapenik gerta ez dadin, itxarote-zerrendei buruzko edozein jardueratan funtsezkoa eta utziezina den irizpidea.