Gizarte-politiken jardueretan, ahulenak diren taldeentzako prestazioei eustearen alde egiten da, zehazki eta bereziki Gizarte Integraziorako Errentako (GIE) bermatutako prestazioak eta menpeko pertsonentzako prestazioak, eta beren zenbatekoak ez dira aldatuko; halaber, menpeko pertsonen zentroetako erabiltzaileen tarifak izozten dira.

Aurreproiektuak oinarrizko gizarte-zerbitzuen finantzaketa ere bermatzen du, esaterako, gizarte-bazterketan edo izateko arriskuan dauden pertsonen lehen mailako arreta, 12,5 milioi euroko inbertsio sozialarekin, eta Gizarte Zerbitzuen arlorako aurrekontua % 1 inguru handitzen du.

Erakunde sozialei eta desgaitasuna duten pertsonentzako zentro okupazionalei emandako diru-laguntzen partidak ere ez dira aldatzen, eta buruko gaitza duten pertsonentzat 40 plaza gehiago izango dira zentro okupazionaletan

Berdintasun-politiketan, berdintasun-programak eta Genero Indarkeriaren Lege berriaren proposamenarekin batera doan plan estrategikoaren garapena sustatzen jarraitzen dira; gainera, adin txikikoak babesteko sistema hobetzen segitzen da eta baita adin txikikoak hartzeko programa sustatzen ere.

Jarduera ekonomikoa bultzatuz enplegua eta aberastasuna sortzeko aurreikusitako gastuak aurrekontuaren % 40,5 hartzen du, Nafarroako Gobernuak aurreproiektu hau osatzeko erabili duen bigarren ardatza.

Apustu berritzaile modura, berriki sinatutako Ekonomia eta Enplegua Suspertzeko Akordioan jasotako neurriak azpimarratu behar dira, gure Komunitateko eragile ekonomiko eta sozial nagusiekin lotutako akordioa. Horretarako, neurriak antolatuko dira bereziki, enpresa berriak sortzen lagunduko duten deialdien bidez eta ETEen lehiakortasuna sendotzearen bidez, nazioartekotzea izanik funtsezko ardatza. Norabide horretan egindako zenbait ekintza izango dira, nazioarteko merkataritzan prestatutako edo esperientzia duten pertsonak kontratatzeko laguntza ematea eta taldean nazioartekotzeko laguntza-programa.

Inbertsio produktiboaren sustapenean, enpresa-inbertsioari laguntzeko deialdi gehiago zabalduko dira, industria-sektorean arreta berezia jarriz. Palanka madura jardutea aurreikusten da inbertsio produktiboak errazteko enpresaren balio-kateko proiektu zehatzetan, enplegua sortzeko gai izango direnak eta helburu nahiz adierazleen bidez ebaluatu ahalko direnak.

Deialdiak Nafarroako ekonomiarako garrantzitsuak diren hiru maila handitan banatuko dira: nekazaritzako elikadura, industriako ETEak eta atzerriko enpresa handien inbertsioa erakartzea. Deialdi horien finantzaketaren zati bat LGENF (Landa Garapenerako Europako Nekazaritza Funtsa) eta FEDER (Eskualde Garapeneko Europako Funtsa) funts europarretik etorriko da.

Gainera, aurrekontuaren aurreproiektuak jasotzen du, jarduera ekonomikoko arloak sustatzeko eta informazioaren gizartea sustatzeko neurriak hartzea. Lehen kasuan, industrialdeei laguntzeko deialdi batekin, inbertsio berrien hartzaile moduan erakargarriak izan daitezen. Informazioaren gizartea sustatzeari dagokionez, aipagarriena da zenbatekoa handitu egin dela Empresa Digital Navarraren laguntza-deialdirako, ikuspegi bikoitz batekin: enpresa nafar txikien gabeziak betetzea eta enpresa nafarren arteko lankidetza sustatzea IKT aplikazioak garatzeko orduan.

Bestalde, nabarmendu behar dira, energia berriztagarriei , Biomasari bereziki, laguntzeko neurrietan egindako ahalegina, enpresetako I+Gko proiektuetarako laguntzen esparru berria, eta Nafarroako Zentro Teknologikoei laguntzeko neurriak.

Enpleguaren arloan, aurrekontuak ere Jarduera Ekonomikoa eta Enplegua Suspertzeko Akordioan xedatutakoa betetzeko bideratu dira. Alde horretatik, aurreikusita dago honako hauei bideratutako laguntzak eta diru-laguntzak sustatzea: laneratzeko zailtasun berezia duten taldeen enplegua sustatzeko, ekonomia soziala, autonomoak, enpleguko zentro bereziak, toki-erakundeen eta irabazi-asmorik gabeko erakundeen kontratazioa, ekintzailetza, aukera-berdintasuna. Halaber, enplegurako prestakuntza sustatuko da langileen lanbide-kualifikazioa hobetzeko asmoz.

Azpiegitura-arloan, aipagarria da Iruñerriko Hiri Garraioaren finantzaketa handitu egin dela (10,7 milioi euroko aurrekontua du), eta AHTren obrekin jarraitzeko 48 milioi euro gehiago esleitzea, inbertsioa obren aurreikusitako erritmoari egokituz. Herri-lanetan 36,1 milioi euro inbertituko dira 2015ean, eta errepideak zaintzeko inbertsioa izango da nagusi, 26,7 milioirekin, 2014an baino % 2,4 gehiago.

Etxebizitzari laguntza emateko orduan, maizterrei babes ofizialeko etxebizitzak alokatzeko aurreikusitako diru-kopurua azpimarratu behar da, 11 milioi euroko aurrekontua duena.

Ekonomiaren sorrerari laguntzeko garaian, Landa Garapen, Ingurumen eta Toki Administrazioko arlotik berrespena etorriko da: Nafarroako Ubidearen garapenarekin, nekazaritza eta abeltzaintzako ustiapenak modernizatzeko laguntzarekin, gazteak jarduera horietan sartzearekin, eta Nafarroako udalerri askoko bizi-kalitatea hobetzeko azpiegituretan inbertsio berriak egiten jarraitzearekin.

Azkenik, kultura eta turismoko gastuaren aurrekontua % 2,70 igotzeak alor horietan ekonomia sortzea eta aberastasun sozial handiagoa ekarriko du.