Biztanleei bidali nahi zaien mezua, aitortu gabeko enplegua izateak gizarterako zer ondorio dituen jakinaraztea da, batez ere. Langileei eragiten die lehenik eta behin, beren lan-eskubideak eta onurak kentzen dizkielako, bai eta dagozkien prestazio sozial eta osasun-mailakoak ere; enpresa zintzoei ere neurri handi batean kaltetzen die, desabantaila-egoeran eta lehiakortasuna desleialeko egoeran jartzen dielako; horrek haien garapena eta hazkundea eragozten die. Azkenik, gizarte guztiari egindako iruzurra da diru-sarrera publikoak eta herritarrentzako oinarrizko zerbitzuen gastua murrizten dituelako.

Nafarroako Gobernuak agindutako ezkutuko ekonomiari buruzko azterketa baten arabera, 2008tik 2012a bitarte ezkutuko enplegua igo egin zen; 2012an, 46.000 lanpostu zeuden era horretan, eta Ogasunean528,3 milioi euroko galerak eragin zituen.

Egileek ondorioztatu dute aldi horretan Nafarroako ezkutuko ekonomiaren indarra BPGd-aren % 13 eta %18 artekoa izan dela Estatuko batez bestekoaren azpitik 5 puntu, hau da, indar gutxien duen bigarren foru-komunitatea da, Madrilen atzetik. Eragin txikiago hori Nafarroak dituen ezaugarri ekonomiek azaltzen dute; izan ere, tradizionalki iruzurrezkoak izan diren sektoreek, eraikuntza eta turismorako ostalaritza, beste autonomia-erkidego batzuetan baino indar gutxiago dute.

Ezkutuko ekonomiaren ondorioa murrizteko politikak lantzeko gomendio moduan, egileek proposatzen dute, erreforma judizial eta zergazkoa; kontzientziazio sozialeko neurriak abian jartzea, eta haien artean dago Nafarroako Gobernuak abian jarritako komunikazio-kanpaina; horrekin batera, ezkutuko ekonomia oso mugatuta dagoen jardueretako sektoreak sustatzea, goi-teknologiako industria bereziki, eraikuntza eta zerbitzuen kaltetan. Azkenik, lan-ikuskapenak handitzea gomendatzen dute eta, zerga-mailan, zergen ordainketa sinplifikatu eta erraztea.