Osasun Departamentuak kanpaina bat abian jarriko du 50 urtetik gorakoen artean ariketa fisikoa sustatzeko, gaixotasun kronikoak prebenitzeko asmoz, eta haiek jasaten dituztenen osasuna hobetzeko. Gaur egun, 15-69 urte arteko nafarren % 60k ez du ariketa osasungarriari buruzko gomendioak betetzen.

"Muévete" ("Mugi zaitez") proiektua da, eta Nafarroako Osasun Publiko eta Lan Osasuneko Institutuak (ISPLN) egin du Lehen Mailako Arretaren laguntzarekin. Proiektua gaur goizean aurkeztu dute Osasun kontseilari Marta Verak, ISPLNko zuzendari-gerente Mª Soledad Arangurenen eta bertako Osasuna Sustatzeko buru Mª José Pérez Jarautak.

Haiek guztiek azaldu dutenez, ariketa fisikoak onuragarriak dira adin guztietako osasun fisiko eta mentalerako; gaixotzeko arriskua murrizten du eta patologia kardiobaskularren, arnasketako patologien bilakaera, eta diabetesaren, hipertentsioaren edota minbiziaren bilakaera ere hobetzen ditu, gaixo eta senideek duten uste osoaren aurka, hau da, jarduera fisikoak beren prozesua okertu ahal dezakeela.

Orain abiatuko den proiektuak 2015ean jarraituko du, eta erakunde publiko, osasun nahiz kiroletako profesionalek, udal-erakundeek eta bestelakoek egindako hainbat ekimen osatuko ditu. Hala, hiru jarduera-ildo abian jarriko ditu:

1.- Biztanle-talde honi informazioa eman eta haiek sentsibilizatzea, eguneroko bizitzan ariketa egitera animatzen duten materialak argiratu eta hedatuz: ¡Muévete! Mugi zaitez! leloa duten 36.000 liburuxka eta kartel argitaratu dira, eta osasun-zentro, udal-zerbitzu, erakunde sozial eta pazienteen elkarteetan banatuko dira. Halaber, Osasun Departamentuko webgunearen bidez, material horek eskuratu ahalko dira, bai eta tutoretzako bideoak ere indar, malgutasun eta oreka gordetzeko ariketa fisikoa egiteko etxean.

2.- Bizi garen ingurunea adierazteko ekintzak, igogailua duten eraikin publikoetan eskaileren erabilera sustatzea, esate baterako: ¡Muévete! Mugi zaitez! "oinatzak" jartzea lurrean igogailua duten udal-eraikinetako sarreran, eta eskailerak hasten diren lekuraino eramaten dutena; eskailerak hasten diren lekuetan kartelak jartzea, haiek igotzera animatuz; igogailuetan plakak jartzea, eta azken horietako leloetan igogailuen eta eskaileren erabileraren arteko aldea aipatzen da.

3.- Osasun-profesionalekin jarduerak, osasun-zentroetakoekin bereziki, pertsona bakoitzari eta egoera bakoitzerako ariketa fisiko egokiaren agindua hobetzeko. "Ariketa fisikoaren agindua Lehen Mailako Arretan" agiria egitea eta banatzea sartzen da, eta baita Osasun, Gizarte Zerbitzu eta Berdintasun Ministerioaren "Aktiba zaitez, gomendatu osasuna" online ikastaroa ere.