Nafarroako Gobernuak, Yolanda Barcina Lehendakaria buru zela, San Frantzisko Xabier Foru Komunitateko zaindariaren ospakizuna dela -Xabierko basilikan gaur egindako elizkizunean parte hartu du. Haren heriotzaren 462. urteurrena bete da, eta elizkizuna Francisco Pérez Iruñeko artzapezpiku eta Tuterako gotzainak eman du.

Meza 09:45ean hasi da Foru Gobernuko kideak bertan zirela: Nafarroako Parlamentuko lehendakari Alberto Catalán; Nafarroako Gobernuko ordezkari Carmen Alba; eta Xabierko alkate María José Guindano, beste agintari batzuen artean. Tradizioak agintzen duen moduan, agintarien segizioa basilikan sartu da arma-erregea eta mazolariak aurretik zirela. Sarreran nahiz irteeran, Nafarroaren Ereserkia interpretatu da, "Erreinurako sarrerarako Martxa" izeneko musika-konposizioa.

Mezan, Iruñeko artzapezpikuak San Frantzisko Xabierren bizitza eta obrari buruz hitz egin du, haren karitatezko obrak eta besteentzat lan egin izana azpimarratuz. Francisco Pérezek Francisco aita santuak duela egun gutxi Europako Parlamentuan, Estrasburgon, emandako diskurtsoa ere aipatu du. "Beldurra urrundu" eta beharra dutenei laguntzeko eskatu zuen, eta gure gizarteak "maitasunaren zibilizazio" bat behar duela. Gainera, artzapezpikuak iragarri du Vatikanoak Xabierkoaren Urtea eman duela 2015ean Xabieraldien 75. urteurrena ospatzen dela eta

Musika-emanaldiak

Programatutako musika-emanaldiei dagokienez, 12:30ean, Burlatako kultur etxeak Nafarroako beste herrialde batzuetako elkarteetako folklore-jaialdia hartu du. Zehazki, Ekuador, Nikaragua, Errusia, Kolonbia, Nigeria, Peru eta Argentinako taldeak aritu dira.

13:00ean (Iruñeako Miserikordia Etxeko salbu, 12;00etan izan dena), doako 83 kontzertu hasi dira aldi berean, Nafarroako beste hainbat abesbatza eta musika-banden eskutik. Nafarroaren Ereserkiarekin hasi dira eta jarraina beren berariazko programak interpretatu dituzte.