Ikastaroak oinarrizko mailan (A1 eta A2) eta erdi-mailakoan (B1) eskaintzen dira, bai eta aurreratuaren lehen zatia ere (B2). Azterketak ekainean eta irailean egin ahalko dira oinarrizko eta erdi-mailako ziurtagiri ofiziala lortzeko.

Ikastaroak iragan urrian hasi ziren, eta, beraz, matrikulatu nahi dutenek jakin behar dute jadanik hasitako ikastaro batean parte hartuko dutela.

Matrikulak honako hau estaltzen du: ikastaroko materiala; online plataforma erabiltzea azalpenak ematen dituen materialarekin; tutore baten laguntza; astean zehar aurrez aurreko eskoletara joateko aukera; azken azterketatara aurkezteko aukera.

Aurrez aurreko eskolak hautazkoak dira. Astero egingo dira, eta ordubete iraungo dute. Ondorengo lekuetan emango dira: Iruña, Tutera, Lizarra, Tafalla, Zangoza, Corella, Azkoien eta Donezteben.

Oinarrizko maila eta erdi-mailakoa (A1, A2 eta B1) udalerri guztietan eskaintzen da; aurreratuaren lehen zatia, berriz (B2.1), Iruña, Tutera, Tafalla eta Donezteben.

Gogoratu behar da, That’s English! Hezkuntza Ministerioak sortutako urruneko programa bat dela, helduek Internet erabiliz ingelesa ikas dezaten (16 urtetik gorakoentzat, oro har).