Hirugarren hiruhilekoarekin alderatuz 200 langabe gehiago egon arren, langabezia-tasa % 14,92 da, hots, autonomia erkidego guztien artean txikiena, eta Espainiako tasaren oso azpitik (% 23,70).

Sexuaren arabera, aipagarria da emakumeen langabeziak behera egin duela azken urtean, 3.500 gutxiago (-% 14,17); gizonen langabezian, berriz, 1.100 pertsona gutxiago zeuden lanik gabe, % 4.18 gutxiago.

Denbora-tarte berean, 5.000 okupatu gehiago izan dira, hau da, % 1,94 igo da azken hamabi hilabeteotan, eta aurreko hiruhilekoan baino 1.000 gehiago. 264.300 okupatu daude, guztira.

Adinen arabera, 25 urtetik beherakoen langabezia % 39,1 da (% 51,80 Espainian); 25-54 adin-tartean, % 14,64 (% 22,10 Espainian), eta % 6,42, 55 urtetik gorakoen artean (% 19,07 Espainian). Sektoreen arabera, eta hirugarren hiruhilekoarekin alderatuz, langabezia jaitsi egin da eraikuntzan (1.400 pertsona gutxiago) eta enplegurik izan ez duen taldean (2.400 gutxiago).

Lehen lehendakariorde eta Ekonomia, Ogasun, Industria eta Enpleguko kontseilari Lourdes Goicoecheak adierazi duenez, "2014ko Biztanleria Aktiboaren azken Inkestako datuek erakusten dute ekonomiaren joeraren hobekuntza pixkanaka enpleguko datuetan islatzen ari dela". Goicoecheak azpimarratu duenez, "oraindik langabe-kopuru handia dugun arren, urtebetean zifra % 9 baino gehiago murriztea lortu da".