Iruñeko Azpilagaña auzoa eta San Adriango zonaldea koloneko minbizia garaiz detektatzeko programan sartuko dira egunotan. Programa hori 50 eta 69 urte arteko nafarrentzat da, eta haren helburua gaixotasun hori hasierako fasetan detektatzea da, horretarako test sinple bat eginez; hala, kasuen % 90 sendatzea lortu nahi da.

Zehazki, urtarrilaren 20ean, adin-baldintza horiek betetzen dituzten San Adriango osasuneko oinarrizko zonaldeari atxikitako 3.242 laguni, programan parte hartzeko gonbidapenak bidaltzen hasi zitzaizkien. Gonbidapenak jasotzen lehenak Carcar eta Andosilla udalerrietako bizilagunak izango dira, eta haien ondoren Azagrakoak, martxoaren 31tik aurrera, eta San Adriangoak (abuztua).

Haien guztien irisgarritasuna errazteko, San Adriango osazun-zentroaz gain, hiru udalerrietako kontsultategiak prestatuko dira prozesua kudeatzeko, biztanleei gonbidapena bidali ahala.

Iruñeko Azpilagaña auzoari dagokionez, urtarrilaren 27an programaren barneko 3.898 bizilagunei gutunak bidaltzen hasiko zaizkie.

Aipatu behar da, parte hartzeko gonbidapen-prozesua dagoeneko osatu den hiru zonaldetan (Tutera mendebaldea eta Iruñeko San Juan eta Milagrosa auzoak), parte hartzeko maila % 65,13 izan dela, hasierako helburua baino bost puntu gehiago (% 60 finkatu zen). Espainiako eta Europako handienetakoa da, gainera, era honetako bahetze-programetan.