Nafarroako ekonomia % 1,5 hazi da 2014an; hala, bi urte jarraian izandako atzeraldiari (bigarren atzeraldia) amaiera eman zaio, lehen lehendakariorde eta Ekonomia, Ogasun, Industria eta Enplegu kontseilari Lourdes Goicoechea kontseilariak aurkeztutako laugarren hiruhilekoaren kontabilitateko aurrerapenaren datuen arabera.

Zifrek diote, gainera, % 0,8 hazi dela 2014ko hirugarren hiruhilekoarekin alderatuz eta, beraz, sei hiruhileko positibo izan direla bata bestearen atzetik, 2010. urtetik gertatzen ez zena. Jokabide ekonomikoaren gaineko erreferentzia hobea den urte arteko aldaketari dagokionez, iazko azken hiruhileko BPGd % 2,1 igo zen 2013ko aldi berarekin alderatuz.

Zifra horiek Espainiako ekonomiak izandakoak hamarren batean gainditzen dute; Espainiako hiruhileko hazkundea % 0,7 izan da, eta % 2 urte artekoa. Urte guztia aintzat hatuz, igoera % 1,4 izan da.

Goicoechea lehendakariordeak adierazi duenez, suspertze hori etorri da, eskaintzaren ikuspegitik, manufaktura-industriaren (+% 6,3) eta merkatuko zerbitzuen (+3,3%) adierazle onengatik, merkataritza batez ere. Eskaeran, esportazioek (+% 7,9) eta etxeetako kontsumoak ekarri dute zabalkundea.

2015erako hazkunde-aurreikuspenetan, Lourdes Goicoecheak adierazi duenez, neurrizko baikortasuna dago, eta honako hauei lotuta izango dela uste du: hazkunde amerikarra, petrolioaren prezioaren beherakada eta banku zentral nagusiak haztearen aldeko diru-politiken jarraipena.

Testuinguru horretan, Espainiako ekonomia % 2 haziko dela aurreikusten da, Nazioarteko Diru Funtsak (NDF) nahiz Ekonomia eta Lehiakortasuneko Ministerioak egindako iragarpenen arabera. Nafarroari dagokionez, lehendakariordeak % 2koa izatea ere aurreikusten du; hala diote BBVAk, Caja Laboral-Euskadiko Kutxak eta Merkataritza Ganberak egindako kalkuluek, eta agian zertxobait handiagoa izatea ere.