Nafarroako Gobernuak 2015 eta 2016 urteetarako 12,3 milioi euroko laguntza-deialdi bat argitaratuko du ostiral honetan, Nafarroako Aldizkari Ofizialean (NAO). Deialdi hori Nafarroako enpresa txiki eta ertainek beren lehiakortasuna hobetzeko egindako inbertsioak diruz laguntzeko da.

Nafarroako Gobernuak gaur egindako bilkuran izan du Garapeneko Europako funtsek (EGEF) kofinantzatutako ekimenaren berri. Ekonomia-jarduera eta enplegua suspertzeko akordioaren barnean sartzen da, iragan urrian Foru Gobernuak eta eragile ekonomiko eta sozial nagusiek sinatutakoa: CEN, UGT eta CCOO, eta hiru urtetan 545 milioi eurokoa dena.

Alde horretatik, Nafarroako Gobernuak industriaren garapenari laguntza emateko beste zenbait ekimen aipatu ditu kontseilariak; haien artean, berriki I+Geko inbertsioari emandako laguntzen deialdia gogora ekarri du edo Sozietate Zergaren zenbateko berriak, eta , oro har, "industria-garapena suspertzeko katalogo oso erakargarria osatzen dutena, Espainiako erakargarrienetarikoa", erantsi du.

Zehazki, gaur aurkeztutako deialdia mikroenpresek (10 langile baino gutxiago), enpresa txikiek (10-49 langile artean) eta ertainek (50-249 artean) ekoizpen-proiektu berrietan egindako inbertsio produktiboari laguntza emateko da. Proiektu horiek enpresaren hazkunde ekonomikoa errazteko dira, produktu nahiz merkatuen dibertsifikazioa sustatzeko eta prozesu eta teknologia berriak ezartzeko.

Inbertsio-proiektuek 10.000 euroko aurrekontua izan beharko dute, gutxienez, mikroenpresen kasuan, eta 30.000 eta 50.000koa enpresa txiki eta ertainen kasuan, hurrenez hurren.

Laguntzen kopurua enpresaren ezaugarrien, proiektu-motaren eta enpleguan duen eraginaren arabera aldatuko da.

Aurrekontuaren % 12ko gutxieneko zenbatekotik abiatzen da mikroenpresen kasuan; % 10etik txikietan eta % 4tik ertainetan. Zifra horretatik aurrera, laguntzen portzentajea handituko da ekonomia soialeko enpresetarako (+2 puntu), bere ekoizpenaren % 5 baino gehiago esportatzen dutenentzat, ( 2 puntu, gehienez ere), plantillan emakumeen % 40 baino gehiago dutenentzat ( 2 puntu, gehienez ere) edo ezintasuna duten pertsonen % 2 baino gehiago dutenentzat (2 puntu, gehienez ere).

Proiektu-motari dagokionez, sortu berriak diren enpresek % 8 laguntza handiagoa jasoko dute, enpresa-dibertsifikazioa dakartzaten inbertsioek, % 4 gehiago, eta I+Gekoek, % 2 gehiago. Gainera, enpresek % 5 gehiago jaso ahalko dute jarduerak sortzen duen enpleguaren arabera.

Azkenik, laguntzen gehieneko mugak altuagoak izango dira2014-2020 eskualdeko laguntzen mapan dauden enpresetarako biztanle-dentsitate txikia edo langabezi-maila handia izateagatik (% 30 enpresa txikietarako eta % 20 ertainetarako). Nafarroako gainerako lekuetan, gehieneko mugak txikiagoak izango dira (% 20 txikietarako eta % 10 ertainetarako).