Sarituen merezimenduak

Juan Martinez de Irujo Goñi pilotariak Lau t`erdiko,, Buruz buruzko eta lehen mailako binakako txapeleketako tituluak irabazi ditu, 2014. urtean. Nabarmendu behar da, gaur arte Martínez de Irujo izan dela urte berean hiru tituluak irabaztea lortu duen pilotari bakarra, 2006an egin zuen moduan. Gaur egun, Aspe enpresako pilotaría da.

Nerea Pena Abaurrea emakumezkoen eskubaloiko Espaniako selekzioko kide izan da, eta Kroazia eta Hungarian antolatutako Europako Txapelketan bigarren postuan sailkatu ziren. Lesio larri bat gainditu ostean, Espaniako selekzioarekin aritu da aurten ere Fuengirolan (Malaga), Mahdia-n (Tunisia) eta Holandan jokatutako partidetan. Gaur egun, Hungariako Ferencvárosi Rail Cargo taldean jarduten du.

Joxe Bixente Eguzkitza Kick Boxingeko munduko txapeldun izan zen zazpi aldiz, eta egun kirol-modalitate horretako kirol-teknikaria da. Iazko irailaren 6tik 14ra, Espainiako selekzioko ordezkari aritu zen kadete eta junior mailako WAKO Munduko Txapelketaan. Italiako Rimini hirian jokatu zen lehiaketa.

Bestalde, Mikel Aguirre Erreak bultzada handia eman dioNafarroako Tenis Federazioari programa-kopuruak nabarmen igo ondoren. Federazioaren buru eta berriki Espainiako Tenis Federazioaren lehendakariorde moduan egindako lanagatik ere aipagarria da.

Nafarroako Hipika Federazioan prestakuntza-programak bultzatzea baloratzen da. Hala, kirol-teknikariko titulazioen erdi-mailako gradua lanbide heziketako hezkuntza-sistema sartu da ondorengo modalitate hauetan: jauzia, doma eta lehiaketa osoa, eta erresistentziakoa, orientazioa eta zaldi-turismoa. Federazio horretako lizentzien kopurua igo egin da: 1.600 zaldizko eta 600 zaldi daude.

Erreka kirol taldea 1976an sortu zen Donezteben, eta eskubaloi, pilota, erremonte, judo, mendiko atalak ditu kultur-mailako beste jarduera batzuekin batera. Merezimendu batzuk aipatzeagatik, klubak maila ezberdinetako eskubaloiko sei talde ditu. Pilota eta erremonteko kirol-eskolak aipagarriak dira ere. Mendiko taldeak hileroko irteera-egutegi egonkor bat du, halaber.

Azkenik, Movistar Team taldea UCI World Tour-eko talde onena izan da 2014. urtean bigarren urtez jarraian, 1.440 punturekin. Gainera, itzuli handi guztietan garaipen garrantzitsuak erdietsi zituen iaz (Frantziako Tourra, Italiako Giroa eta Espainiako Vuelta), bai eta klasikoetan ere. Taldeko txirrindulari bat, Alejandro Valverde, UCI Pro Team-eko irabazlea izan da banakako sailkapenean, 688 punturekin.