Lehen modalitaterako 445.000 euro erabiliko dira, eta diru horrekin oinarrizko jarduerak finantzatuko dira, esaterako: harrera, informazioa eta orientazioa, dibulgazioa eta sentsibilizazioa, adinekoentzat, haien familientzat nahiz gizarte guztiarentzat izango direnak. Langile eta funtzionamenduko gastuak diruz lagunduko dira.

201.483 eurorekin finantzatutako bigarren modalitatea jarduera-programak babesteko da, eta haien asmoa adinekoen mendekotasuna saihestea eta beren autonomia sustatzea da. Besteak beste, deialdiak honako hauetara bideratutako ekimenak jasotzen ditu; zahartze aktiboa, kulturako ikastaro eta tailerrak, hitzaldiak edo kluben egun berezien ospakizunak, adinekoen elkarteak eta federazioak.

Gainera, modalitate honetan sar daitezke, adinekoen arloan bakarrik esku hartzen duten gizarte-erakundeak, eta gizarte-zerbitzuen arloan programak garatzen dituztenak; erakunde horiek oinarrituko dira, adibidez, adineko pertsonaren banakako arretan, bizitza independentearen sustapenean edo adinekoei egokitutako kirolean.