Foru Gobernua euskararen ziurtagiri ofizial propioak sortuko dituen araudi berri bat lantzen ari da A1 (hasierakoa), A2 (oinarrizkoa), B1 (tartekoa) eta B2 (aurreratua) mailetan hizkuntz horren ezagutza egiaztatzeko, hizkuntzetarako erreferentziazko Europako esparru erkidearekin bat etorriz. EGA beraren titulua, C1 mailakoa (altua), sortuta dago jadanik, Europako araudiaren estandarrak betez.

Ezagutzaren maila argitzea da xedea, etorkizuneko enpleguaren eskaintza publikoko deialdiei begira, adibidez; izan ere, orain arte Gobernuko unitateek baremo ezberdinekin egin dute lan.

Hala, gaur, asteazkena, onartu aurretik Euskararen Nafar Kontseiluari jakinarazi zaion testuak, Foru Administrazio guztirako maila erkideak finkatzen ditu, tituluak eskuratzeko probak arautzen ditu, bai eta tituluak eman ere; haien bidez, ofizialki, eta ondorio guztietarako, A1, A2, B1 eta B2 mailak gainditu direla egiaztatuko da.

Foru Komunitateko hainbat zonaldetan euskarak duen egoerari buruzko lan-diagnostikoa da; lan hori oinarritzat hartuko da, hizkuntz hori Nafarroako hainbat errealitatetan sustatzeko orduan erakundeek izan beharreko jarduera doitzeko.

Iribas kontseilariak berriki egindako agerraldi batean jadanik aurkeztu zituen datu nagusiek honako hau adierazten dute: elebiduna eta elebidun pasiboa (ulertu bai, baina ez du hitz egiten) den biztanleen portzentajea % 58,2 eta % 13koa zen, hurrenez hurren, zonalde euskaldunetan. Portzentajeak behera egiten zuen zonalde mistoetan: % 12,41 (elebiduna) eta % 11, 8 (elebidun pasiboa); euskalduna ez den zonaldetan, berriz, % 3,82 (elebiduna) eta % 7,63koa (elebidun pasiboa).