Deialdiaren helburua da, gizarte-ekimeneko, desgaitasunak dituzten pertsonen arloko erakundeei diru-laguntzak emateko araubidea finkatzea, horretarako honako hau sustatuz: elkartegintzako oinarrizko jardueren garapena edo autonomia bultzatzeko eta mendekotasuna prebenitzeko programak, 2015. urterako.

Diru-laguntza horiek baliatu ahalko dituzte Foru Komunitatean helbideratutako irabazi-asmorik gabeko erakundeek, desgaitasuna duten pertsonen eremuan bakarrik esku hartzen dutenak eta elkartegintzako oinarrizko jarduerak garatzen dituztenak honako hauei begira: autonomia pertsonala sustatzeko eta mendekotasuna prebenitzeko gizarte-zerbitzuen arloan.

Deialdi honetan aurreikusitako diru-laguntzak emateko prozedura lehiaketa-araubidean izapidetuko dira, aurkeztutako eskaerak alderatuz. Balioztatze eta ebazpenean lehentasuna izango dute, lehenik eta behin, "Elkartegintzaren sustapena" modalitaterako eskaerek, eta bigarrenik, "Programen garapena" modalitaterako eskaerek.

Deialdi honetan aurreikusitako diru-laguntzak emateko prozedura xede berarako emandako beste diru-laguntza edo laguntzarekin batekin osagarria izango da. Nolanahi ere, haien zenbatekoak ezingo du onuradunak garatu beharreko jardueraren kostua gainditu (zenbateko horrek bakarrik gainditzea,edo beste diru-laguntza batzuekin, laguntzekin, diru-sarrerekin edo diru-laguntzaren xede den jardueraren beraren baliabide propioekin gainditzea)

2016ko urtarrilean, erakunde onuradunak jardueraren betearazpenaren frogagiria aurkeztu beharko du.