Nafarroko Lehendakari Yolanda Barcinak Karlos III.a Noblearen Gurutzea eman die honako hauei: Jesús eta Raúl Anoz jotariak, José Antonio Arzoz apaiza, Matías Escribano eta Gabriel Imbuluzqueta kazetariak, Javier López de Munáin liburu-saltzailea eta Mª Victoria Arraiza parlamentari ohia, hilondoko titulu moduan. Horrenbestez, Foru Komunitatearen aurrerabideari eta ospeari entitate eta pertsona ospetsuek egindako lana aitortu nahi da.

Bere agerraldian, Barcina Lehendakariak sarituak zoriondu ditu, eta haiengatik esan du "XXI. mendeko Nafarroa honek izan dezakeen giza eredu onena" osatzen dutela.

"Zuen ibilbide profesional edo artistikoan barruan duzuen onena emandako pertsonak zarete, gorputz eta arima lanean arituz, espiritu handiarekin, zuen lana ondo egiteko gogoarekin, besteei laguntzeko gogoarekin, egunez egun hobetzeko nahi miresgarri horri eutsiz" azaldu du.

Gurutzea Nafarroako Jauregiko Tronuaren Aretoan egindako ekitaldian banatu dira, eta bertan izan dira Foru Komunitateko agintari nagusiak, haien artean, Nafarroako Gobernuko zenbait kide: Foru Parlamentuko lehendakari Alberto Catalán eta Iruñeko alkate Enrique Maya.

Sarituak

Jesús eta Raúl Anoz Laspeñas jotariak,  "Anoz Anaiak"  izenez ezagutzen direnak, mende erdiz baino gehiago Nafarroako jotaren erreferentzia izan dira. Sari horrekin, Gobernuak beren folklorearen bitartez Nafarroa sustatzeko alorrean egindako lana aitortzen du; "gure lurreko abesti tradizionalak pozez eta emozioz" zabaldu dituzte Espainian, Europako zenbait herrialdetan eta Latinoamerikan.

Maria Victoria Arraiza Zorzano parlamentari sozialista ohiari dagokionez, iragan urtarrilean hil zen, Gobernuak "haren konpromiso sozial, politiko, solidario eta kulturala" azpimarratu ditu. "Gizatasunaren eredu izan da, eta gehien sufritzen eta behar gehien dutenen kausekin konpromiso pertsonal handikoa". Santiago bidearen ondare historikoa eta kulturala era "berezian" bultzatu ditu. Saria familiako kideek jaso dute.