Nafarroako Gobernuak, Nasuvinsa sozietate publikoaren bidez, Arrotxapean babes ofizialeko 56 etxebizitza eskuratzeko esleipendun-hartzaileen behin-behineko zerrenda egin du, 64 TPE Erripagañan eta 22 TPE Mutiloen artean, haiek guztiak jabetzan; horrez gain, erosteko aukera duten alokairuko BOEko beste 14 etxebizitza: 5 Zarrakaztelun, 5 Murchanten eta 9 Tafallan, eta haiek esleitzeko epea martxoaren 1ean zabaldu zen.

Baremotik eta eskatzaileek adierazitako lehentasunetatik ondorioztatutako behin-behineko zerrenda Nasuvinsako bulegoetan kontsulta daiteke (San Jorgeko etorbidea, 8 behea, Iruña) eta Tuterako Infonavarraren bulegoetan (Foruen plaza, 5-6). Nafarroako Gobernuko etxebizitza-atarian ere kontsulta daiteke. Hasierako esleipen honetatik aurrera, 10 egun balioduneko aldia irekitzen da Iruñeko eta Tuterako Nasuvinsaren bulegoetan alegazioak aurkezteko, nahiz eta haiek ezingo diren izan eskaera bakoitza inskribatzean jadanik baloratutako alderdiei buruz.

Alegazioak ebatzi ondoren, beste zerrenda bat argitaratuko da, eta 10 egun balioduneko epea zabalduko da esleipen-hartzaileek dokumentazioa aurkez dezaten, alde batetik, babestutako etxebizitza eskuratzeko gutxieneko baldintzak betetzen dituztela ziurtatzeko, eta bestetik, etxebizitza eskuratzeko baremoa zuzen aplikatu dela ziurtatzeko. Aipatutako dokumentazioa epearen barnean ematen ez bada, etxebizitzaren esleipen-hartzaileak hari isilean uko egin diola esan nahiko du.