Herritarrek aste honetan zehar egiazta dezakete hauteskunde-erroldan izena zuzen emanda duten eta, horren ondorioz, datorren maiatzaren 24an boto-eskubidea egikaritu dezaketen Nafarroako Parlamenturako, kontzejuetarako eta udalerrietarako hauteskundeetan. Gainera, hauteskunde-erroldan sartzeko edo kanporatzeko erreklamazioak egin nahi izanez gero, aste honetan bakarrik egin ahalko da, apirilaren 13ra arte, probintziako Hauteskunde Batzordean edo udal bakoitzean.

Erroldan izen-ematea kontsultatzeko hiru era daude. Udal bakoitzeko aurrez aurreko kontsultak jarraitzen du. Gainera, ziurtagiri digitala izanez gero, izapidea on line egin daiteke Estatistikako Institutu Nazionalean (EIN). Azkenik, 48 udalerritan eskaera telefonoz egiteko aukera dago, 010 zenbakira deituta Iruña eta Tuteran erroldatutakoen kasuan, eta 948 012 012 edo 012 telefono-zenbakietara deituta (0,34 € dei bakoitzaren kostua) gainerako 46 udalerritan.