Castellano | Euskara | Français | English
Herritarren Arreta
Telefonoa: 948 012012
012*
Ordutegia: astelehenetik ostiralera, 8:00ak eta 19:00ak artean.
Helbide elektronikoa: navarra@navarra.es
* Deiaren balioa: 0,34 euro, iraupena edozein dela ere.
Ikusi egun honetako albiste gehiago
Batez besteko atzerapena 69 eta 51 egunekoa da, hurrenez hurren
Osasunbideko itxarote-zerrendan beste jaitsiera bat izan da iragan martxoan, ebakuntza kirurgikoetan nahiz lehenengo kontsultetan. Martxoaren 31n ateratako datuen arabera, atzerapen kirurgikoa 3 egunekoa izan zen, eta 2koa lehenengo kontsultetan; hala, batez beste 69 eta 51 egun itxaron behar da, hurrenez hurren.
Lehenengo kontsulten kasuan, eta abendua alde batera utzita, itxaroten dauden pertsonak eta batez besteko atzerapena jaitsi egin dira hilabete guztietan, 2014ko abuztutik. Ebakuntza kirurgikoetan, berriz, itxaroten dauden pertsonak 2011ko mailetan daude, eta batez besteko atzerapenak jaisten jarraitzen du.
Lehenengo kontsultetan, aipagarria da hilabete horretatik 8.583 pertsona gutxiago daudela itxarote-zerrendan. Otsailarekin alderatuz, eskaera handiko zerbitzuetan zain dauden pertsonen kopuruak behera egiten jarraitzen duela azpimarratu behar da, esaterako: Traumatologian (800 pertsona gutxiago), Oftalmologian (287 pertsona gutxiago) edo Dermatologian (251 pertsona gutxiago).
Espezialitateen arabera, Onkologiako itxarote-zerrenda 12 egunetan murriztu da; Kardiologian, 3 egunetan; 27tik 24ra; bularraldeko Kirurgian, 4 egunekoa da; Kirurgia orokorrean 86tik 87ra igo da; eta Neumologian 10 egunetan jaitsi da, 75etik 65era.
Eskaera handieneko espezialitateetan, lehentasun klinikoa alde batera utzita, Dermatologian 43 egunetik 41era jaitsi da. Traumatologian, 8 egun gutxiago zain egon behar da, 82tik 74ra; Oftalmologian, 68tik 64ra; eta Urologian, 24tik 22ra.
Albiste hau osorik izan nahi baduzu PDF artxibo batean sakatu hemen