Apirilaren 29an eta Nafarroako hainbat udalerritan egin ondoren, Turismoaren Gala Iruñeko Baluarte Kongresuen Jauregi eta Auditoriumera itzuli da bere hamaikagarren edizioan; leku horretan bertan jaio zen duela hamar urte. Ekitaldia bi ardatzetan oinarrituko da: Zinemaren Ibilbidean eta Nafarroako turismo-sektoreko profesionalen lanaren aitorpenean "Reyno de Navarra 2015" Turismoko sari-banaketarekin.

Turismo eta Merkataritzako zuzendari nagusi Carlos Ercek aurtengo edizioa aurkeztu du honako hauekin batera: Nafarroako Orfeoiko lehendakari Joaquín Jabat; La Caixako lurralde-zuzendari Ana Díez Fontana eta Condako kudeatzaile Carlos Yéboles, ekitaldi honetan lagundu duten erakundeen ordezkari modura, eta haiei Nafarroako Ostalaritza Kooperatiba erantsi zaizkie.

Galan musika eta umorea tartekatuko dira, eta Iruñeko Orfeoiaren presentzia aipagarria izango da (Epaimahaiak aipamen berezia eman dio). Talde horrek Tempus Vernum pianorako obraren bertsioa interpretatuko du, Vicent Igeak konposatutakoa orfeoiaren 10. urteurrena dela-eta. Halaber, Carmina Buranaren bilduma bat eta tokiko folklore-pieza bat abestuko dute. El Jabonero umoregileak, Nebaris laukoteak eta Oberena dantza-taldeak ere emanaldiak eskainiko dituzte.

Aurtengo Turismoaren Galaren ardatz nagusia Zinemaren Ibilbidea izango da. Ibilbide berri bat da, eta zinemaren zuzendari nahiz ekoizleentzat Nafarroa erreferentziazko helmuga modura sustatzen eta aitortzen da; horrez gain, turistei txoko zinematografikoenak bisitatzeko aukera ematen die.

Azken urteotan, Estatu mailan oihartzun handia izan duten pelikulak filmatu dira Foru Komunitatean. Haietako bi, Ocho apellidos vascos eta Las brujas de Zugarramurdi filmek Leitza eta Zugarramurdi mapan kokatu dituzte, eta bisitari asko erakarri dituzte Nafarroara.

Zinemari esker ere, Nafarroaren nazioarteko proiekzioa zabaldu ahal izan da zinemako hainbat aurpegi ezagun protagonista izan dituen filmengatik, esate baterako: Javier Bardem eta Penélope Cruz, Cameron Díaz, Michael Fassbenderg edo Martin Sheen.

Errege Bardeak, Leitza edo Zugarramurdi zinemako txoko bisitatuei, bere garaian pelikula mitikoak hartu zituzten beste batzuk gehitu behar zaizkie, adibidez: Robin eta Marian, Patton, Bihotzeko sekretuak edo Campanadas a medianoche, bai eta laster filmatuko dituzten pelikulak ere: Anacleto, agente secreto, o El Guardian invisible, Dolores Redondoren trilogiaren lehen eleberrian oinarritutako zinta, eta Baztango ibarrean girotuta dagoena.

Aurreko edizioetan bezala, ekitaldiko une garrantzitsuenetariko bat "Reyno de Navarra 2015" sari-banaketa izango da. Nafarroako Turismo Kontseiluak proposatuta Nafarroako Gobernuak emandako sariak dira, eta aurten honako hauek izan dira sarituak: Tuterako Udala, Xabier hotel-jatetxea José María Guindano buru duela, Ábaco taberna-jatetxea eta Irisarri-Land turismogunea.

Gainera, Turismo Kontseiluak Iruñeko Orfeoiari aipamen berezia ematea erabaki zuen, taldearen sorreraren 150. urteurrena dela-eta.