Aurtengo bederatzi hautagaiak, guztiak gizonezkoak, honako hauek dira: Andrés Ramón, saio-idazlea, musikologoa eta poeta ( Ricardo Pita Macaya eta Joaquín Romero Roldánek proposatu dute); Alfredo Floristán Imízcoz, Historia Modernoan Katedraduna eta ikerlari historikoa (Luis Javier Fortún Pérez de Cirizak proposatuta); José María Goicoechea Aizcorbe konpositorea (Ars Incógnita fundazioak proposatuta); Justo Balda Lacunza arabista, afrikanista eta islamologoa (Nafarroako Kultura Elkarteak aurkeztuta)); Ramón Macías Mora arkitektoa, tauromakian eta musikan espezialista (Colimako A.C. Fomento Culturak aurkeztuta); Santiago Montobbio de Balanzó poeta (Bartzelonako Amics de la Unescok proposatuta); Cesar Oroz Martija marrazkilaria eta umorista (Villar Arellano eta Joaquín Llamsó-k aurkeztuta); Euskal Filologiako aditu Pello Salaburu Etxeberria (Nafarroako Unesco Etxeak proposatuta); Jaime Siles Ruiz latin-filologian katedraduna eta poeta (Rémélice Ikerketa Taldeko Françoise Morcillok proposatuta).

Iragan apirilaren 16a izan zen sari honetarako hautagaitzak jasotzeko azken eguna. Kulturaren Vianako Printzea Sariak kultura munduan garrantzitsuak diren pertsona do erakundeen ibilbidea aitortzen du, eta barnean hartzen ditu, alde batetik arte plastikoa, musika, literatura eta abarreko sormen-ekintza, eta bestetik, zientzian, teknikan eta ikerketan egindako lana. 25.000 euroko saria da. Jaso ahal izateko, saritutako erakunde edo pertsonaren arduradunak saria banatzeko ekitaldian izan beharko du.

Jakina denez, hautagaiak Nafarroako Kultura Kontseiluko kideek aurkeztu ahal zitzaketen, edozein herrialdetako erakunde publikoek (gobernuak, ministerioak, udalak, unibertsitateak, ikastegiak, ikerketa-zentroak, enbaxadak, kontsulatuak…), hezkuntza, kultur eta gizarteko erakundeek, edozein herrialdetan legearen barnean eratutako GKEek, bai eta antolakuntzak gonbidatzen dituen pertsona famatuak ere.