Nafarroako Gobernuak adinekoen eta desgaitasuna dutenen kolektibo guztirako arreta-sistema bat ezarriko du ekainetik aurrera; sistema horrek diagnostiko bat eta banakako laguntza-plan bat ematen ditu kasu bakoitzean, haien autonomia hobetzeko eta beren mendekotasuna atzeratzeko azken helburuarekin.

Gobernuak gaurko bilkuran izan du ekimen horren berri (aitzindaria da Espainian), eta lehen fase batean, 10.500 nafarri baino gehiagori mesede egingo die; haiek guztiak adineko, adimen urritasun edo desgaitasun fisikoa duten kolektiboetakoak dira, edo buruko gaixotasun larri bat duten kolektibokoak.

Tresna berria Gizarte Politiken Departamentuak, La Caixa fundazioaren eta Caja Navarra fundazioaren finantzaketarekin, sustatutako informatikako aplikazio bat da; aipatutako tresna garatzeko 120.000 euro jarri dituzte.

Aplikazio horrekin, pertsona bakoitzaren banakako diagnostikoa egin daiteke eta, haren arabera, laneko helburu batzuk finkatzen ditu bere autonomia-mailak mantentzeko, aurrez profesionalen artean adostuta daudenak. Emaitzen jarraipen eta ebaluazio bat egiten da. Prozesu guztiaren azken xedea erabiltzaile bakoitzaren bizi-kalitatea hobea izan dadin lortzea da.

Sistemak aplikazio bat eskaintzen du pertsona-profil bakoitzerako, desgaitasun fisikoa edo adimen urritasuna, adinekoa edo buruko gaixotasun larria izanda ere; horrekin batera, adituek garrantzitsuenetzat jotako arloetan lortu beharreko helburu zehatzak eskaintzen ditu. Honako hauek dira:

1. Ezagutza aplikatzea (arreta gordetzea estimulu bisualen aurrean).

2. Eginkizun sinple eta ohikoak izatea.

3. Komunikazioa: ahozko mezuak, ahozkoak ez diren mezuak, zeinuen bidezko mezuak eta abar izateko aukera.

4. Mugikortasuna: gorputzaren posizioa aldatu eta mantendu ahal izatea,objektuak, eraman, mugitu eta erabiltzea…

5. Nork bere burua zaintzea, higienea, janztea, jatea, edatea.

6. Etxeko bizimodua: ondasunak eta zerbitzuak bereganatzeko aukerari eutsi ahal izatea, jangelako etxeko zereginetan parte hartzea, mahaia jartzea, jostea, arropa garbitzea.
   
   7.  Pertsonen arteko elkarrekintza (trebetasun sozialak mantentzea).
   
   8. Buruko osasuneko bizimoduaren arlo nagusiak (lana, enplegua eta ekonomia).

Aplikazioari esker, profesionalek arlo bakoitzean erdietsitako emaitzak ebalua ditzakete. Gainera, senideek erabiltzailearen bilakaera ezagutu ahalko dute une oro.

Tresna berriaren abantailak

Tresna berriak ondorengo abantailak eskaintzen ditu:

A) Artatutako pertsonei, arreta eta beren autonomia pertsonala hobetzen die, banakako laguntza eskaintzen du, eta emaitza pertsonala era sistematikoan ebaluatzen uzten du bere arretan hobetzeko elementuak sartze aldera.

B) Gizarteko erakundeei, arlo eta helburuen araberako laneko sistema argi eta sistematikoa ematen die, emaitzak neurtzeko aukera eskaintzen du, profesionalen artean koordinatzea.

C) Administrazioan gizarte-politiken zentro guztiei tresna erkide bat ematen die helburuak markatzeko, jarraipena egiteko eta ebaluatzeko.