Maiatzaren 1etik 31ra epea zabaltzen da kultur proiektu eta jarduerak egiten dituzten pertsonek nahiz erakundeek `Mekna´ interes sozialeko adierazpena eska dezaten. Haren bidez, finantzaketa pribatua eskuratzeko eskubidea ematen die Kultur Mezenasgoaren Foru Legearen eta Foru Komunitateko haren Pizgarri Fiskalen bidez. Nafarroako Gobernuak sustatzen du, eta era honetako lehen araua da Espainian.

Mezenasgoko ekintzaz balia daitezke helbide fiskala Nafarroan duten pertsona fisikoak, eta beren jarduera artistikoak era ohikoan egiten dituztenak; zergari dagokionez Nafarroan helbideratutako irabazi-asmorik gabeko erakundeak; Nafarroako egoitza, zentro eta etxeak, eta erakunde horietako federazioak; eliza katolikoa eta Espainiako Estatuarekin lankidetza-akordioak sinatuta dituzten elizak edo erlijioak; Nafarroako administrazio eta unibertsitate publikoak eta mendekoak diren erakunde nahiz fundazioak.

Urtero adierazpena eskatzeko bi aldi zabaltzen dira, urrian eta maiatzean eta, beraz, aurtengo urrira arte bereizgarri hori berriz eskuratzeko aukera gehiago ez da izango.

Ekimenak Nafarroako Kultura Kontseiluak ebaluatuko ditu, eta Kultura, Turismo eta Erakundeekiko Harremanetarako Departamentuari dagokion adierazpena proposatuko dio.

Kultur proiektuetarako ekimen pribatuak areagotzeko asmoz, Kultur Mezenasgoaren Foru Legeak pizgarri fiskalak hartzen ditu barnean; % 80rainokoa Pertsona Fisikoen Errentaren gaineko Zergan (PFEZ) eta % 30erainokoa Sozietate Zergan. Enpresen kasuan, gainera, ekarpenak partida kengarria izango du eta, hortaz, dohaintzaren irabazia emandakoaren % 50 inguru izango da.

Kultur mezenasgoan interesatutako pertsonek prozeduren eta baldintzen gaineko oinarrizko informazioa ondorengo web-orrian topa dezakete: www.mecna.es.