Nafarroako Gobernuak Euskal Autonomia Erkidegoko Auzitegi Nagusiaren aurrean aurkeztutako demanda zabalduko du, Gipuzkoako trafikoko seinaleetan Nafarroari egiten zaizkion aipamenen gainean aurkeztutako demanda. Erabaki hori hartu du, ikusi baita udalerriak identifikatzeko (Hernani edo Usurbil, adibidez) errotulu berriak jarri direla, eta bertan Nafarroako ezkutua agertzen dela "Euskal Herria – Basque Country" goiburuaren alboan

Halaber, egiaztatu du ere, Foru Komunitateko ezkutua ez dela estali zenbait errepidetan, honako puntu hauetan, esaterako: AP-8 (Euskadi-Aragoi Autobidea), 16. Kilometro-puntuan, Frantziako noranzkoan; Hernani inguruan: Gi-2132, Gi-3410 eta Akarregiko biribilgunean; edo Billabonako sarbidean N-1 errepidetik (Irun-Madril), Gasteizko noranzkoan.

Azarotik

Horrenbestez, Nafarroako Gobernuak Euskal Autonomia Erkidegoko Auzitegi Nagusiari hirugarren aldiz eskatuko dio konstituzioaren legezkotasuna eta Foru Eraentza Birrezarri eta Hobeagotzeko Legea (LORAFNA) bete daitezen, Foru Aldundiak azaroan helarazitako eskaerari kasurik egin ez ondoren, hau da, A-15 autobian (Leitzarango Autobia) "Euskal Herria-Basque Country"-ren barnean Nafarroa aipatzen zuten seinaleak kentzeko eskaerari. Gertaera hori Gobernuak "mutur sartze larritzat eta Nafarroako erakundeekiko errespetu faltatzat" jo zuen, bai eta "Nafarroari probokazio argia egitea ere, bertako erakundeei zor dien errespetua galduz, herritarren gehiengoak demokratikoki hautatutakoak direnak".

Nafarroako Gobernuak Euskal Autonomia Erkidegoko Auzitegi Nagusiari egindako eskaeraren aurrean, administrazioarekiko auzien salak auto bat eman zuen iragan martxoaren 24an; haren arabera, kartelak kautelazko eran kentzeko agindua ematen zen (desmuntatzea, ezabatzea…)

Iragan astean, Foru Gobernuak Auzitegi Nagusiari berriz eskatu zion Gipuzkoako Foru Aldundiak kautelazko neurria betetzera behar zezala bere lurraldean dauden errotulu guztietan, A-15 Autobiakoetan bakarrik bete baitzuen.