Kulturako Zuzendaritza Nagusiak Iruñeko Construcciones Zubillaga S.A. enpresari esleitu dio berriki (701.567,36 euro) Fitero monasterioko klaustroa zaharberritzeko obren 7. fasea. Behe-klaustroko eta kapitulu-aretoko hormak zaharberritzea barneratzen dituen fase hori zazpi hilabeteko epean egikarituko dela aurreikusten da.

Kontratu hori Eskualde Garapeneko Europako Funtsak kofinantzatzen du % 50eko tasarekin eta Nafarroako 2007-2013 aldirako EGEF Programa Eragilearen bidez. Orain arte aurreko sei faseetan egikaritutako gastua 4.871.494,7 eurokoa izan da.

Proiektu hau klaustroa zaharberritzeko kanpainaren zazpigarrena da, eta behe-klaustroko galerietan oinarrituko da, ekialdeko galeriaren hasierako bi gela txikitan eta kapitulu-aretoan.

Behe-klaustroko galerietako zabalera guztian aireztatutako zolata bat sartzen da eta, hala, arkuduren horma nahiz bankuen jarrera hobetuko da kapilaritatearen hezetasunaren aurka.

Mendebaldeko belenean zenbait lan egitea aurreikusten da ere, klaustroko mendebaldeko hormaren aireztapena hobetzeko eta ura pilatuta gera ez dadin, haien artean, aireztatutako kamera bat eraikitzea.

Gainera, ekialdeko hegalera jotzen duten lehengo geletarako hiru baoetan erantsitako itxiturak eraistea proposatzen da, kapitulu-aretoaren bi aldeetan, mendebaldeko hegaleko bataiotegian dagoen baoan eraikitako itxitura eraistea, bai eta monjeak berotzeko geletara doan baokoa eraistea ere.

Gainera, zementuaren emokadurak zulatuko dira eta klaustroko puntu batzuetan ikusten diren igeltsu luzituak ere, eta baita jatorrizkoak ez diren edo aske dauden junturen morteroak ere. Inguruko hormetan eta arkuduren tinpanoetan hondatutako harlanduak artekatuko dira, eta berrezarri egingo dira hareharriarekin edo Fiteroko Bainuen lehengo harrobitik ekarritako harriarekin, egokiena denaren arabera.

Azkenik, honako hauek garbituko direla aurreikusten da: inguruko hormak, kapitulu-aretoko hormak eta gangak, kapitulu-aretora eta aretora bertara sartzeko kapitel eta harroinak, elizako atea eta gangen klabeak, eta inguruko hormetako gangetako abioen mentsulak, teknika ezberdinekin, kasu bakoitzerako egokiak direnak.

Beste fase batean, gangetan ikusten diren pitzadurak zigilatuko dira, bai eta gangetako abioak konponduko ere, arkuduren eta nerbioen ertzak, nerbioen pintura eta gangetako nerbioen arteko harrizko zapiak.

Zink-erreten eta -zorrotenekin egindako klaustroko estalkietako uren jasotzea osatuta geratuko da honako hauek egin ondoren: zorrotenen parteko kutxatilak, eta klaustroak bide publikoko kolektoreraino lurperatutako ebakuazio-sarea ezarrita (logelako alboako belenetik doana).

Goi-klaustroan adreiluzko zola aldatuko da. Jarduera horren barnean, gainera, zenbait espaziotako arotzeria berriak zaharberrituko dira eta beste batzuk konponduko; horrekin batera, elizako eskailerara pasatzeko aurre-atea garbitu eta babestuko da.

Azkenik, goi-klaustrotik eskailera-bururako eskailerako leihoan, beira puztutako beruneztatutako beirate bat jarriko da.

Nafarroako Gobernua Fiteroko monasterioko klaustroa 2008an hasi zen zaharberritzen, eta enkargu hori Ondare Historikoaren Zerbitzuko Ondare Arkitektonikoko Atalari eman zitzaion.