Nafarroako Gobernuak, maiatzaren 28tik aurrera, 2015-2025 aldirako Hondakinak Kudeatzeko Plan Integratua egiteko eztabaida-aldia hasiko du. Maiatzaren 28tik irailaren 30era egingo den eztabaidaren gaikako zenbait saio izango dira bertan, uda-garaian etenaldi bat eginez.

Eztabaidako saioen gaiak, pertsona eta erakunde interesdun guztientzat zabalik daude, etxeko eta merkataritzako hondakinetan oinarrituko dira funtsean, eta honako hauek jorratuko dira, besteak beste: Planaren helburuak, hondakinen prebentzioa, Gaika Bildutako Frakzio Organikoa (FORS), errefusak edo industria-hondakinak, bai eta prozesuan zehar sor daitezkeen beste zenbait ere. Zehazki, maiatzaren 28an planaren helburuak aztertuko dira; ekainaren 5ean prebentzioa jorratuko da; ekainaren 11n gaika bildutako frakzio organikoa, eta ekainaren 25ean, errefusei buruz hitz egingo da. Irailean, hil horren 10 eta 17an, azpiegituraz ariko dira, eta 30ean, industriako hondakinari buruz.

Aldi berean, berariazko gaiei buruzko jardunaldi teknikoak egitea aurreikusten da, Aparatu Elektrikoak eta Elektronikoen Hondakinen (RAEE) araudi berriaren eraginak, esaterako, edo hondakinak Estatuko lurraldeko barnealdean eramatea, 180/2015 Errege Dekretuaren arabera, edo zerga-tresnak hondakinak kudeatzeko kudeaketako hierarkia betez.

Eztabaidako gaikako saioak nahiz jardunaldi teknikoak amaitzen direnean, azken itzulerako jardunaldia egingo da, eta bertan Gobernuak planaren zirriborroa aurkeztuko du, prozesu guztian zehar jasotako eta jaso gabeko proposamen nagusiak era arrazoituan justifikatuz. Zirriborro hori jendaurrean jarriko da.

51/2015 Foru Aginduaren bidez, otsailaren 11koa, Landa Garapen, Ingurumen eta Toki Administrazioko kontseilariarena, PIGRN 2015-2015 egiteko prozedura formalki hasi zen eta, horretarako, ekainaren 21eko Gardentasunari eta Gobernu Irekiari buruzko 51/2012 Foru Legea aintzat hartu da. Hala,Planaren izapidetze berrirako zaindu eta jaso dira, Nafarroako Foru Komunitateko Gobernu Irekiko Atarian zabadutako partaidetza-prozesuan egindako ekarpen eta iradokizunak 2010-2020 aldirako Nafarroako Hondakinak Kudeatzeko Plan Integratua berrikuste aldera. Gainera, atarian hamabost egun balioduneko beste partaidetza-epe bat zabaldu zen, Plan berria idazteko orduan kontuan hartu beharreko iradokizunak egin, laguntzak eman eta iritziak plazaratzeko. Nolanahi ere, Plana egin eta idazteko fase goiztiar honetan parte hartzeko aukera zabalik dago oraindik, iradokizunak egiteko xede horretarako sortutako Lantalde eta Partaidetza Taldean sartuz.