Gizarte Politiken Departamentuak 3,12 milioi euroko laguntza eman du Latinoamerika eta Afrikako 11 herrialdetako garapenerako 26 lankidetza-programa eta -proiektu finantzatzeko, babesgabeak eta txiroak diren biztanleen baldintzak hobetze aldera.

Esku-hartze horiek Nafarroako GGKEek sustatzen dituzte, eta jarduerak egingo diren herrialdeetako tokiko bazkideak dituzte. Elikaduran, osasunean, hezkuntzan eta emakumeen sustapenean oinarritzen dira, batez ere.

Hala ondorioztatzen da Gizarte Politika eta Kontsumoko jarduneko zuzendari nagusi Mariano Otok emandako ebazpenetatik; haien arabera, diru-laguntzen bi deialdien zenbatekoa garapenerako lankidetza-programetarako esleitzen dira, haiek zenbait urtetarako prestatzen dira eta urteroko proiektuekin 2015erako.

Lehen kasuan, Gizarte Politiken Departamentuak 1,65 milioi eurorekin finantzatuko ditu Bolivia, El Salvador, Guatemala, Mali eta Peruko zortzi lankidetza-programa. Aldiz, bigarren deialdiarekin 18 proiektu diruz lagunduko dira (1,47 milioi), honako herrialde hauetan egin direnak: Aljeria, Bolivia, El Salvador, Guatemala, Haiti, Mauritania, Peru, Kongoko Errepublika Demokratikoa, Rwanda eta lurralde palestinarrak.

Garapenerako lankidetzako beste hiru deialdi

Gogora ekarri behar da, Gizarte Politiken Departamentuak aurten beste hiru deialdi eskaini dituela garapenerako lankidetzari lotuta, 742.242 euro, guztira.

Saharako biztanleentzako laguntzako humanitarioa, (240.000), larrialdi-egoeran dauden ekintza humanitarioetarako (240.000 euro), garapenerako hezkuntzakoak eta sentsibilizazio-ekintzak (262.242 euro).