Nafarroako Gobernuak babestutako 87 etxebizitza eskuratzeko esleipen-epea zabaldu du gaur; horrenbestez, beste esleipen-prozedura bati hasiera ematen zaio eskatzaileen erroldaren bitartez.

Gaurtik aurrera, ekainak 1, eta hilaren 16ra arte, babes ofizialeko laurogeita zazpi etxebizitzaren esleipenerako epea (erosteko araubidean) zabalik izango da.

Sustapen horretan parte hartzeko ezinbestekoa izango da aurrez babestutako etxebizitzaren errolda bakarrean erregistratuta egotea.

Residencial Ori S.L. sustapenari dagozkio. Logela 1, 2, 3 eta 4ko etxebizitzak daude, 38,26 metro koadro eta 110,56 metro koadro arteko azalerekin. Haietako gehienek (55) hiru logela dituzte, eta guztiek garajea eta trastelekua dute.

Etxebizitzen ezaugarriak ondorengo estekan kontsulta daiteke zehaztasun handiagoarekin.

Baremoa eta eskatzaileek adierazitako lehentasunak aplikatzetik ondorioztatutako esleipendunen behin-behineko zerrenda ekainaren 18an jakingo dela aurreikusten da, etxebizitzaren gaikako atarian eta Nasuvinsaren iragarki-taulan (San Jorge 8, behea). Une horretan, 10 eguneko epea zabalduko da alegazioak egiteko eta, haren ondoren, behin betiko zerrenda onetsiko da.