Erriberriko Santa Maria elizako portalea 2015 eta 2016an zaharberrituko da eta, horretarako, 600.000 euro inbertituko dira. Zenbateko hori Nafarroako Gobernuak eta Gondra-Barandiaran fundazioak kopuru berean jarriko dute; azken horrek kulturaren eta ondare historiko artistikoaren kontserbazio nahiz berreskuratzearen alde lan egiten du.

Bi erakundeek zenbateko hori Fundazioari emateko hitzarmena izenpetu dute Nafarroako Ondare Historikoa Kontserbatzeko, lanak egikaritzeaz arduratzen dena.

Testua Foru Gobernuko egoitzan sinatu zuten iragan astean Nafarroako jarduneko Lehendakari Yolanda Barcinak, Gondra-Barandiarán fundazioko lehendakari Guillermo Barandiaránek eta Nafarroako Ondare Historikoa Kontserbatzeko fundazioaren lehendakari Juan Luis Sánchez de Muniáinek.

Proposatutako jardueren artean, esku-hartze bikoitz baten bidez diagnostikatutako hondatze-faktoreei erantzun nahi zaie. Lehenik eta behin, portaleak babes fisiko berria izatea, teilatutxo baten antzera, ingurumen-eragileen zuzeneko eragina geratuko duena eta inguru guztiaren osotasun eta balio estetikoak bermatu nahiz errespetatuko dituena; jarduera hori egiteko izapideak hasi dira, jadanik. Hori guztia monumentu-eskultura guztian egindako zuzeneko esku-hartze batekin osatzen da; haren arabera, hura kontserbatzea bermatu nahi da, denborak aurrera egin izanaren ondorioz kaltetutako balio plastiko nahiz ondarezkoak finkatu edo berreskuratzea eta, finean, bertako babesa hobetzea.

2015ean, 100.000 euroko balioa duten lanak egitea aurreikusten da (fundazioaren ekarpena), eta 2016an, 500.000 eurokoak (200.000 euro fundazioak jarrita eta 300.000 Nafarroako Gobernuak).