Nafarroako Gobernuak erabilera kolektiboko 537 igerilekuren baldintza teknikoak eta osasun-baldintzak kontrolatuko ditu aurtengo udan 263 instalazioetan, hau da, izaera familiar pribatu edo 20 etxebizitza baino gutxiagoko familia anitzeko izaera ez dutenak; hala, erabiltzaileen segurtasuna eta osasuna bermatu nahi dira.

Horrenbestez, aisialdiko instalazio horien erabileratik sortutako arrisku fisiko, kimiko edo mikrobiologikoak prebenitu eta saihestu nahi dira, esaterako: traumatismoak, istripuak eta itotzeak, eta gaixotasun infekziosoak, digestiokoak, arnasketakoak eta azalekoak.

Berrikuntza gisa, denboraldi honetan igerilekuen lan egingo duten sorosle guztiek behar bezalako prestakuntza jasota izango dute DESA izenekoak erabiltzeko, automatikoak edo erdi automatikoak diren kanpoko desfibriladoreak, nahitaezkoa izan ez arren instalazioek era horietako aparatuak edukitzea.

Gainera eta estreinakoz, Nafarroako Osasun Publiko eta Lan Osasuneko Institutuak (ISPLN) aurten bere webgunean instalazoietako titularren esku erregistro-liburuko ereduak jarri ditu Excel formatuan, igerilekuetako uretan egin beharreko eguneroko kontrolen emaitzak (bi kontrol) idazteko lanak errazte aldera, eta denboraldiaren amaieran ISPLNi igorri beharko zaizkio.

Kontrol-lanak ISPLNk, Iruña eta Tuterako (ordezkaritza bidez) udalek eta Foruzaingoak egingo dituzte, eta Lehen Mailako Arretako ekipoen osasun-langileen laguntza jasoko dute, beharrezkoa balitz.

ISPLNren webgunean, igerilekuak zaintzeko kanpaina honi lotutako informazio guztia topa daiteke; erabilera kolektiboko igerilekuen baldintzak erregulatzen dituen araudia; erabiltzeko beste agiri batzuk; igerilekuen erabilerari lotutako zenbait patologia eta produktu kimikoen gaineko informazio-liburuxkak, bai eta aisialdi nahiz kiroletako instalazio horiek arriskurik gabe gozatzeko gomendio-gida bat ere.