Nafarroako Gobernuak Iruñean dituen bulegoetako zerbitzuak hilaren 8, 9, 10, 13 eta 14an irekiko dira jendeari arreta emateko, nahiz eta ordutegi murriztuan izan; hilaren 7, 11 eta 12an, berriz, itxita egongo dira.

Zehazki, erregistro orokorrak nahiz departamentuetan dauden erregistroek, hilaren 6an, 08:00etatik 12:00etara emango dute arreta jendearentzat, eta hilaren 8, 9, 10, 13 eta 14an, 09:00etatik 12:30era.

Bestalde, Ezkirotzen dagoen Zergadunari Arreta emateko Bulegoak, hilaren 6an, 08:30etik 11:30era emango du arreta, eta hilaren 8, 9, 10, 13 eta 14an, 09:30etik 12:30era.

Foruzaingoaren Herritarren Arreta Bulegoari dagokionez (Gazteluko plazan dago), festaren erdigunean, arreta eguneko 24 ordutan emango du ohikoa den moduan.

Azkenik, Nafarroako hiriburuko osasun-zentroek beren pazienteei okasiorako ezarritako ordutegi eta egunetan emango diete arreta.

Foru Komunitateko gainerako tokietan, Foru Administrazioaren zerbitzuek jarduera normala izango dute, eta ohiko ordutegian emango da arreta.